ডিজিটেল ডেস্কঃ বিশ্ব ক্ৰিকেটৰ নতুন নায়ক ট্টেভিছ হেড। বিশ্বকাপৰ ফাইনেলত দূৰ্দান্ত শতক কৰি এতিয়া ক্ৰিকেট অনুৰাগীৰ সকলৰ মধ্যমণি হৈ পৰিছে হেড। ভাৰতৰ বলিঙে আক্ৰমণাত্মক ৰূপ ল’বলৈ লওঁতেই তেওঁ ক্ৰিজত স্থিতি লয় আৰু নিৰ্ণায়ক ১৩৭ ৰাণ সংগ্ৰহ কৰে।

Listen to Article

2 min read

80%

ইয়াৰ পূৰ্বেও হেডে আইচিচিকে ধৰি বৃহৎ প্ৰতিযোগিতাসমূহত দূৰ্দান্ত খেল প্ৰদৰ্শন কৰি আহিছে। অষ্ট্ৰেলিয়াৰ এছেজ অভিষেক কৰিছিল অপেনাৰগৰাকীয়ে। অভিষেক মেচতে তেওঁ ১৪৮ বলত ১৫২ ৰাণৰ ইনিংছ খেলে। মেন অৱ দ্যা মেচ হয়।

ভাৰতৰ বিৰুদ্ধে ইংলেণ্ডৰ লৰ্ডছত হোৱা বিশ্ব চেম্পিয়নশ্বিপ ফাইনেলতো ১৩৭ বলত ১৬৩ ৰাণৰ দূৰ্দান্ত ইনিংছ খেলে হেডে। মেন অৱ দ্যা মেচ হয়।

এইবাৰৰ বিশ্বকাপ তেওঁৰ প্ৰথমখন বিশ্বকাপ। ধৰ্মশালাত নিউজিলেণ্ডৰ বিৰুদ্ধে তেওঁ অভিষেক ঘটায়। অভিষেক মেচতে ৬৭ বলত ১০৯ ৰাণৰ ইনিংছ খেলে। মেন অৱ দ্যা মেচ হয়।

বিশ্বকাপৰ পূৰ্বে আঘাতপ্ৰাপ্ত হোৱাৰ পিছতো অষ্ট্ৰেলিয়াই তেওঁক দলত ৰাখিছিল। তেওঁ বিশ্বকাপৰ প্ৰথম ৫ খন খেল খেলিব পৰা নাছিল। ১৫ অক্টোবৰত আঘাতপ্ৰাপ্ত হোৱাৰ পিছত তেওঁ প্ৰথমবাৰৰ বাবে নেটত বেটিং কৰিছিল, যেতিয়া দলটোৱে বিশ্বকাপৰ তৃতীয়খন মেচ খেলিবলৈ সাজু হৈছিল। বিশ্বকাপ আৰম্ভ হোৱাৰ দুসপ্তাহৰ পিছত ভাৰতত যোগদান কৰে তেওঁ দলটোত।

বিশ্বকাপৰ চেমি ফাইনেলতো দক্ষিণ আফ্ৰিকা পৰাজীত হোৱাৰ মূলতে আছিল ট্ৰেভিছ হেডে। ২টাকৈ উইকেট লয় আৰু ৪৮ বলত ৬২ ৰাণ সংগ্ৰহ কৰে। মেন অৱ দ্যা মেচ হয়।

ফাইনেলৰ দিনা অষ্ট্ৰেলিয়াৰ বিজয়ৰ মূলতে এই ট্ৰেভিছ হেড। ভাৰতৰ বিৰুদ্ধে মেচখনত তেওঁ ৰোহিত শৰ্মাৰ এটা দূৰ্দান্ত কেচ ধৰি আউট কৰে। ১২০টা বলত ১৩৭ ৰাণৰ ইনিছ খেলে। মেন অৱ দ্যা মেচ হয়।

উল্লেখ্য যে ২০১৬ চনৰ পৰা আন্তঃৰাষ্ট্ৰীয় ক্ৰিকেট খেলি আহিছে হেডে। ৪২খন টেষ্টত তেওঁৰ গড় ৰাণ হৈছে ৪৫.৩৭। সৰ্বোচ্চ স্ক’ৰ ১৭৫। আনহাতে ৬৪খন এদিনীয়া মেচত তেওঁৰ গড় ৰাণ ৪২.৭৪। সৰ্বোচ্চ স্ক’ৰ ১৫২।