ডিজিটেল ডেস্কঃ ভাৰতীয় ক্ৰিকেট অনুৰাগীৰ ওচৰত ক্ষমা খুজিলে ডেভিদ ৱাৰ্নাৰে। দেওবাৰে বিশ্বকাপৰ ফাইনেলত ভাৰতক ৬ উইকেটত পৰাস্ত কৰে অষ্ট্ৰেলিয়াই। সেই দলটোৰ ওপেনাৰ আছিল ৱাৰ্নাৰ। সেয়ে ছচিয়েল মিডিয়াত পোষ্ট কৰি অনুৰাগীৰ ওচৰত ক্ষমা বিচাৰিলে।
দেওবাৰে প্ৰায় এক লাখ লোকে নৰেন্দ্ৰ মোডী ষ্টেডিয়ামত খেলখন চাবলৈ উপস্থিত হয়। বিশ্বকাপৰ ফাইনেলৰ ওপৰত সকলো ভাৰতীয় অনুৰাগীৰ দৃষ্টি আছিল। এজন অনুৰাগীয়ে ছ’চিয়েল মিডিয়াত লিখিছে যে ৱাৰ্নাৰে তেওঁলোকৰ হৃদয় ভাঙি পেলালে। ৱাৰ্নাৰে উত্তৰত লিখিছে, “মই ক্ষমা বিচাৰিছো। আমি এখন ডাঙৰ মেচ খেলিলোঁ। পৰিবেশটো বৰ ভাল আছিল। ভাৰতে অতি ভাল প্ৰতিযোগিতা আয়োজন কৰিছে। সকলোকে ধন্যবাদ।”
ৱাৰ্নাৰৰ উত্তৰৰ পিছত অৱশ্যে অনুৰাগীয়ে তেওঁৰ পোষ্টটো ডিলিট কৰে। ফলত ৱাৰ্নাৰৰ পোষ্টটোও ডিলিট হৈ গ’ল। এই বিশ্বকাপত ৱাৰ্নাৰে ১১খন খেলত ৫৩৫ ৰান সংগ্ৰহ কৰে।
Continue Reading
