ডিজিটেল ডেস্কঃ বিশ্বৰ কম্পিউটাৰ জগতৰ প্ৰতি দুঃখবৰ। ইণ্টেল কৰ্পৰেশ্যনৰ সহ-প্ৰতিষ্ঠাপক গৰ্ডন মূৰৰ মৃত্যু হৈছে। শুকুৰবাৰে ৯৪ বছৰ বয়সত তেওঁৰ মৃত্যু হয়। এই কথা মূৰৰ কোম্পানীটোৰ সূত্ৰই প্ৰকাশ কৰিছে।
মূৰ এজন অতি কম পৰিচিত কম্পিউটাৰ অভিযন্তা আছিল। তাৰপাছত অত্যাধুনিক প্ৰযুক্তিৰ জগতখনৰ শাসকলৈ উন্নীত হয়। তেওঁৰ মৃত্যুৰ লগে লগে ইলেক্ট্ৰনিক প্ৰযুক্তিৰ এটা যুগৰ অন্ত পৰিল।
১৯৬৮ চনত যেতিয়া মূৰে ৰবাৰ্ট নয়ছৰ সৈতে মিলি ইণ্টেল কৰ্পৰেশ্যন গঠন কৰে, তেতিয়া তেওঁলোক কম পৰিচিত আছিল। কিন্তু কিছুদিনৰ ভিতৰতে ইণ্টেল সেই পৃথিৱীৰ অন্যতম তাৰকা হৈ পৰিল। কাৰণ, দিনবোৰ বাগৰি যোৱাৰ লগে লগে কোম্পানীটোৱে বিশ্বব্যাপী স্বীকৃতি লাভ কৰিছিল। এটা সময়ত মূৰৰ কোম্পানীয়ে নিৰ্মিত অৰ্ধপৰিবাহী চিপ বিশ্বৰ ৮০ শতাংশ ব্যক্তিগত কম্পিউটাৰত ব্যৱহাৰ কৰা হৈছিল।
মূৰে এক লেখাত কয় যে নতুনকৈ উদ্ভাৱন কৰা ইন্টিগ্ৰেটেড চিপত ট্ৰেঞ্জিষ্টৰৰ ব্যৱহাৰ প্ৰতি বছৰে প্ৰায় দুগুণ হ’ব। তেওঁৰ এই পৰ্যবেক্ষণ ‘মূৰৰ নীতি’ নামেৰে জনাজাত হৈ পৰিছিল। মূৰৰ গৱেষণা পত্ৰখন প্ৰকাশ পোৱাৰ পিছত মেম’ৰী চিপ প্ৰযুক্তিগতভাৱে অধিক উন্নত হৈ পৰে। ইয়াৰ উপৰিও ইয়াৰ দামও যথেষ্ট হ্ৰাস পাই থাকে।
মূৰৰ জন্ম হৈছিল ১৯২৯ চনৰ ৩ জানুৱাৰীত, কেলিফৰ্ণিয়াত। ১৯৫০ চনত তেওঁ বেট্টী মূৰক বিয়া পাতে। তেওঁলোকৰ দুজন সন্তানো আছে। মূৰে ফেয়াৰচাইল্ড ছেমিকণ্ডাক্টৰ লেবৰেটৰীত পি এইচ ডি কৰিছিল। ইয়াৰ পিছত ১৯৬৮ চনত মূৰে নয়েজৰ সৈতে মিলি ইণ্টেল সাম্ৰাজ্য গঢ়ি তুলিছিল। মৃত্যুৰ সময়লৈকে তেওঁৰ সম্পত্তিৰ পৰিমাণ হৈছে সাত বিলিয়ন ডলাৰ।
মূৰক হেৰুৱাৰ পিছত ইণ্টেল কৰ্পৰেশ্যনে টুইট কৰি কয় যে আমি এজন দূৰদৰ্শীক হেৰুৱাইছো।
Continue Reading
