বিশ্বৰ সবাতোকৈ প্ৰশংসিত মহিলাৰ তালিকাত শীৰ্ষ দশম স্থানত প্ৰিয়ংকা চোপ্ৰা

ডিজিটেল ডেস্কঃ বিশ্বৰ সবাতোকৈ প্ৰশংসিত মহিলাৰ তালিকাত দশম স্থান লভিবলৈ সক্ষম হ'ল মোহময়ী অভিনেত্ৰী প্ৰিয়ংকা চোপ্ৰাই। ২০২১ বৰ্ষৰ মষ্ট এডমায়ৰ্ড অমেন অৰ্থাৎ সবাতোকৈ প্ৰশংসিত মহিলাৰ তালিকাত শীৰ্ষ ১০ স্থানত অন্তৰ্ভুক্ত হল বলীউডৰ জনপ্ৰিয় অভিনেত্ৰী প্ৰিয়ংকা চোপ্ৰা। তালিকাখনৰ প্ৰথম স্থানত আছিল মিছেল অবামা। মিছে্ল অবামা আমেৰিকাৰ প্ৰাক্তন ৰাষ্ট্ৰপতি বাৰাক অবামাৰ পত্নী।

উল্লেখযোগ্য কথাটো হ'ল ২০২১ বৰ্ষৰ বিশ্বৰ সবাতোকৈ প্ৰশংসিত ব্যক্তি হিচাপে শীৰ্ষস্থান লাভ কৰিলে আমেৰিকাৰ প্ৰাক্তন ৰাষ্ট্ৰপতি বাৰাক অ’বামাই। পুৰুষ আৰু মহিলাৰ দুয়োটা স্থানত শীৰ্ষ স্থান দখল কৰিবলৈ সক্ষম হল বাৰাক অবামা আৰু মিছেল অবামাই।

মহিলাৰ তালিকাখনত এঞ্জেলিনা জলী, স্কাৰলেট জনছন,এমা ৱাটছন, টেইলৰ ছুইফট, ৰাণী এলিজাবেথ, অপ্ৰা উইনফ্ৰে, এঞ্জেলা মৰ্কেল, মালালা ইউছুফজায়েও স্থান লাভ কৰিছে। শীৰ্ষ ২০ গৰাকী সবাতোকৈ প্ৰশংসিত মহিলাৰ তালিকাত কমলা হেৰিছ,হিলাৰী ক্লিণ্টন, ঐশ্বৰ্য ৰায় বচ্ছন,সুধা মূৰ্তি,গ্ৰেটা থুনবাৰ্গ,মেলেনিয়া ট্ৰাম্প, লিছা, লয়ু য়াইফে,য়াংগ মী আৰু জেচিণ্ডা অৰ্ডেৰ্নেও স্থান লাভ কৰিছে।

আৰু পঢ়কঃ জনপ্ৰিয়তা হ্ৰাস! বিশ্বৰ সবাতোকৈ প্ৰশংসিত ব্যক্তিৰ তালিকাৰ অষ্টম স্থানলৈ নামিল মোদী