বিয়া বিয়া বলীউডঃ পুষ্পৰথ, ৭টা শুকুলা ঘোঁৰাৰে ৰাজকীয় এণ্ট্ৰী মাৰিব বিকিয়ে…

নতুন দিল্লীঃ বিয়া বিয়া বলীউড। বিকিৰ জীৱনসংগিনী হ’বলৈ মাজত আৰু কেইটামান প্ৰহৰ বাকী। অভিনেতা বিকি কৌশল আৰু কেটৰিনা কাঈফৰ বিয়া বছৰটোৰ আটাইতকৈ উল্লেখনীয় বলীউড বিবাহ হ'বলৈ গৈ আছে। বিশাল বিবাহ অনুষ্ঠানক লৈ উৎসাহিত হৈ পৰা দেখা গৈছে অনুৰাগীক। বিবাহ অনুষ্ঠানৰ সৰু-বৰ প্ৰতিটো ঘটনাৰ সম্ভেদ পাবলৈ অধীৰ আগ্ৰহেৰে ৰৈ আছে অনুৰাগী। খবৰ পোৱা মাত্ৰকে সামাজিক মাধ্যমত পোষ্ট কৰা দেখা গৈছে। জানিবলৈ পোৱা মতে, বিবাহৰ প্ৰস্তুতি ইতিমধ্যে পূৰ্ণগতিত চলি আছে। ৰাজস্থানৰ বাৰৱাৰা ফ’ৰ্টত পূৰ্ণগতিত চলি আছে প্ৰস্তুতিপৰ্ব। প্ৰতিটো মুহূৰ্ততে আহি পৰিছে নতুন নতুন খবৰ।

ৰাজকীয় মৰ্যাদাৰে অনুষ্ঠিত হ’ব কেট-বিকিৰ বিয়া। অনুষ্ঠানটো সৰ্বাংগ সুন্দৰ কৰি তুলিবলৈ কোনো ধৰণৰ চেষ্টা এৰি দিয়া নাই কেটৰিনাই। জানিবলৈ পোৱা মতে, বিয়াৰ দিনা বিকি কৌশলে বিবাহস্থলীত এক ব্যতিক্ৰমী শৈলীত প্ৰৱেশ কৰিব। ই-টাইমছৰ এক প্ৰতিবেদন অনুসৰি, বিকিয়ে ৰথত প্ৰৱেশ কৰিব, লগত থাকিব ৭টা শুকুলা ঘোৰাঁ। আয়োজকে বিকিৰ বাবে ইতিমধ্যে ৭টা শুকুলা ঘোঁৰা যোগাৰ কৰিছে বুলি সংবাদ মাধ্যমত প্ৰকাশ পাইছে। বিবাহ অনুষ্ঠানৰ সৈতে সংগতি ৰাখি এটা বিশাল মণ্ডপো নিৰ্মাণ কৰা হৈছে। স্বাভাৱিকতে, এই বিয়াখনে বিগত কিছুদিনৰ পৰা ব্যাপক চৰ্চিত হৈ পৰিছে।অনুৰাগীয়ে বিভিন্ন মাধ্যমযোগে দুয়োকে শুভকামনাৰ বাণীৰে ভৰাই তুলিছে।