ৰণবীৰৰ ছাঁটোও নসহে কেটৰিনাই; বিয়াত নাবাজে একালৰ প্ৰেমিকে অভিনয় কৰা গীতো!

ডিজিটেল ডেস্কঃ বলীউডত এতিয়া উখল মাখল পৰিৱেশ। কেটৰিনা কাঈফ আৰু বিকি কৌশলৰ বিয়ালৈ অধীৰ আগ্ৰহেৰে ৰৈ আছে সকলো। শুকুৰবাৰে ৰাজস্থানত অনুষ্ঠিত হ’ব এই বহু প্ৰত্যাশিত বিয়াখনৰ সংগীতানুষ্ঠান। পিছে এই অনুষ্ঠানত এক কঠোৰ নিৰ্দেশ জাৰি কৰিছে কইনা কেটৰিনাই। পিছে কি নিৰ্দেশ দিলে মোহময়ী কেটৰিনাই? বলীউডৰ ভিতৰ চৰাৰ পৰা অহা খবৰ অনুসৰি কেটৰিনাৰ প্ৰাক্তন প্ৰেমিক ৰণবীৰ কাপুৰৰ ছবিৰ সকলো গান নিষিদ্ধ কৰিছে সংগীতানুষ্ঠানত। এটা সময়ত ৰণবীৰ আৰু কেটৰিনাৰ মাজত আছিল হিয়া দিয়া নিয়া।

দীপিকা পাডুকণৰ সৈতে ব্ৰেকআপ হোৱাৰ পাছত কেটৰিনাৰ প্ৰেমত বন্দী হৈছিল চকলেট বয় ৰণবীৰ কাপুৰ। কিন্তু এই প্ৰেম দীৰ্ঘদিনীয়া নহ'ল। ছলমান খানৰ সৈতে বিচ্ছেদ হোৱাৰ পাছত ৰণবীৰ কাপুৰৰ মাজত কেটৰিনাই বিচাৰি পাইছিল প্ৰেমৰ ৰং, পিছে সেই প্ৰেমো ভাঙি যোৱাত কেটৰিনা দুখত ভাগি পৰিছিল।২০০৯ চনত ‘অজৱ প্ৰেম কি গজৱ কাহানী’ ছবিখনত ৰণবীৰ-কেটৰিনাই একেলগে অভিনয় কৰিছিল। তাতেই গঢ় লৈ উঠিছিল দুয়োৰে মাজত বন্ধুত্ব। এই বন্ধুত্বই কম দিনৰ ভিতৰতে প্ৰেমৰ ৰূপ লয়। ভিন্ন ডেটিং স্পটত দুয়োকে একেলগে দেখা গৈছিল। ৰণবীৰ-কেটৰিনাই একেলগে ‘ৰাজনীতি’, ‘জগ্গা জাছুছ’ৰ দৰে ছবিতো একেলগে অভিনয় কৰে। কিন্তু এই প্ৰেম ভংগ হোৱাৰ পাছত দুয়ো দুয়োৰে মুখো চাব নিবিচৰা হ'ল।

কোন কালৈ ৰৈ থাকে? আকৌ প্ৰেমত পৰিল দুয়ো। কেটৰিনা পৰিল বিকি কৌশলৰ প্ৰেমত আৰু ৰণবীৰ পৰিল আলিয়া ভাটৰ প্ৰেমত। এই প্ৰেম কিন্তু টিকিল। কেটৰিনা বিকি কৌশলৰ সৈতে বিবাহপাশত আৱদ্ধ হ'বলৈ গৈ আছে। ইফালে ৰণবীৰেও অতি সোনকালে ঘৰৰ লখিমী কৰি আদৰি নিব আলিয়া ভাটক। পুৰণা প্ৰেমৰ সেই স্মৃতি দূৰত ৰখাৰ উদ্দেশ্যেৰে কেটৰিনাই ৰণবীৰৰ গান নিষিদ্ধ কৰিছে নিজৰ বিয়াত। বিকি-কেটৰ বিয়াত নিমন্ত্ৰিত অতিথিৰ তালিকাতো নাই ৰণবীৰ কাপুৰ। উল্লেখ্য যে বিয়াখনত বিকি-কেটে কি কি গানত নৃত্য কৰিব সেয়াও ঠিক কৰা হৈছে। জনপ্ৰিয় গান 'কালা চশমা', 'তেৰী ঔৰ' আদি গীতৰ তালে তালে নাচিব বিকি-কেটে।

আৰু পঢ়কঃ ৰেগিঙৰ দুৰ্বিষহ জ্বালা! মৃত্যুমুখলৈ ঠেলিলে মেডিকেলৰ ছাত্ৰক