ডিজিটেল ডেস্কঃজন্ম-মৃত্যু-বিবাহ কেতিয়া কাৰ কেনেকৈ হয় সেয়া হেনো কোনেও ক’ব নোৱাৰে। কিন্তু এইগৰাকী মহিলাই হয়তো ক’ব পাৰে তেওঁৰ পৰৱৰ্তী বিয়া খন কেতিয়া হ’ব। বিয়া পগলা এইগৰাকী মহিলাৰ চখেই হৈছে কাপোৰ সলোৱা দি দৰা সলোৱা। ইতিমধ্যে তেওঁ ১১ গৰাকী স্বামীৰ সৈতে বিবাহ বিচ্ছেদ কৰিছে। এতিয়া তেওঁ ১২ নম্বৰ স্বামীৰ সন্ধানত ব্যস্ত আছে।
৫২ বছৰীয়া মনেট ডায়েছে বিয়াত বহি খুব ভালপায়। আমেৰিকাৰ এইমহিলাগৰাকীয়ে ১১ বাৰ বিবাহ পাশত আৱদ্ধ হোৱাৰ পিছতো যেন বিয়া হোৱাৰ চখ পূৰণ হোৱা নাই। সেইবাবেই তেওঁ বিচাৰি আছে ১২ নম্বৰৰ দৰাগৰাকী।
এয়া কোনো কল্পকাহিনী বা চলচ্চিত্ৰৰ চিত্ৰনাট্য নহয়। মনেট দিয়াছৰ বাতৰি কেইবাটাও সংবাদ মাধ্যমত প্ৰকাশ পাইছে আৰু বিয়া পাগল হোৱা বাবেই তেওঁ সকলোৰে দৃষ্টি আকৰ্ষণ কৰিবলৈ সক্ষম হৈছে।
তেওঁৰ এই চখৰ কথা টিএলচিৰ এক বিশেষ অনুষ্ঠানতো দেখুওৱা হৈছে। অনুষ্ঠানটোৰ নাম 'বিবাহৰ প্ৰতি আসক্ত' দিয়া হৈছিল। অনুষ্ঠানটোৰ এটা প্ৰমোও ওলাইছে। য'ত মোনেটে বাৰে বাৰে প্ৰেমত পৰাৰ কাহিনী বৰ্ণনা কৰি যায়।
দৰা বিচাৰি তেওঁ হাৰ মানিবলৈ ইচ্ছুক নহয়, নতুন দৰা নোপোৱালৈকে তেওঁ ক্ষান্ত নহয়। মনেটে সেয়ে দ্বাদশ বিবাহৰ বাবে অপেক্ষা কৰি আছে। তেওঁ এগৰাকী সম্ভাৱ্য পাত্ৰও বিচাৰি পাইছে বুলি প্ৰকাশ কৰিছে।
মনেট ডায়েছে বৰ্তমান জন নামৰ এজন লোকৰ প্ৰেমত পৰিছে। কিন্তু দ্বাদশ বিয়াখন হ’ব কেতিয়া? ইয়াৰ বাবে অৱশ্যে কিছু সময় অপেক্ষা কৰিব লাগিব বুলি মনেটে কৈছে।
Continue Reading
