ডিজিটেল ডেস্কঃ লণ্ডনৰ ৰাজপথত ফ্ৰেমবন্দী শ্বাহৰূখ খান। অতি সাধাৰণ লুকত ধৰা দিছে কিং খানে। বলীউড বাদশ্বাহৰ এনে অনাকাংক্ষিত ৰূপ দেখি স্তম্ভিত হৈ পৰিছে অনুৰাগী। শ্বাহৰূখৰ এনে অৱস্থা কিদৰে হ’ল? নানা গুঞ্জনৰ অন্তত অৱশ্যে, কিছু সময়ৰ ভিতৰতে ভুল ভাঙিল সকলোৰে। শ্বাহৰূখে লণ্ডনত ছবিখনৰ শ্বুটিং কৰি আছে, তাৰ পৰাই ইণ্টাৰনেটত বিয়পি পৰিছে কাহিনীও নেদেখা কিং খানৰ আলোকচিত্ৰ।
ইফালে ‘পাঠান’ ছবিৰ শ্বুটিং ইতিমধ্যে শেষ হৈছে৷ ইয়াৰ পিছতে ৰাজকুমাৰ হিৰানীৰ পৰৱৰ্তী ছবি ‘ডংকী’ৰ ছেটত ব্যস্ত শ্বাহৰূখ। কিছুদিন পূৰ্বে ডি অ’ পিয়ে এই ছবিখনৰ পৰা আঁতৰি আহিছিল। শ্বাহৰূখ আৰু ৰাজকুমাৰ হিৰানীৰ সৈতে মতানৈক্যৰ বাবেই তেওঁ এই সিদ্ধান্ত লোৱাৰ অভিযোগ উত্থাপন হৈছে। ইয়াৰ বাবেই ছবিখনৰ শ্বুটিং পলম হ’ব পাৰে বুলি শুনা গৈছিল। অৱশ্যে, এতিয়া ছবিখনৰ শ্বুটিং আৰম্ভ হোৱা বুলি জানিবলৈ পোৱা গৈছে।
দেওবাৰে লণ্ডনৰ ৱাটাৰলু ব্ৰীজত চলিছে ‘ডংকী’ৰ শ্বুটিং। শ্বাহৰূখক দেখা মাত্ৰকে ঢপলিয়াই আহে সহস্ৰ অনুৰাগী। এজন ব্যক্তিয়ে দৰ্শকৰ মাজত শ্বাহৰূখক ফ্ৰেমবন্দী কৰিছিল। অনলাইনত ভাইৰেল হৈছে শ্বাহৰূখৰ ‘ডংকী’ লুক।
প্ৰাপ্ত তথ্য অনুসৰি, প্ৰব্ৰজন সম্পৰ্কীয় বিষয়ক লৈয়ে নিৰ্মাণৰ যো-জা চলিছে এই ছবিখনৰ। য’ত শ্বাহৰূখক এজন পাঞ্জাবী ল’ৰাৰ চৰিত্ৰত দেখা যাব। পঞ্জাৱৰ পৰা কানাডালৈ তেওঁৰ যাত্ৰাক দেখুওৱা হ’ব ছবিখনত। ছবিখন ২০২৩ চনৰ ২২ ডিচেম্বৰত মুক্তি পাব। শ্বাহৰূখৰ বাহিৰে ‘ডংকী’ৰ আন দুটা মুখ্য চৰিত্ৰত আছে বিকি কৌশল আৰু তাপসী পান্নু।
Continue Reading
