ডিজিটেল ডেস্কঃ যদি আপুনি সেইসকল লোকৰ মাজৰ এজন যিয়ে গভীৰ নিশালৈকে কাম কৰে তেন্তে আমি নিশ্চিত যে কফি আপোনাৰ বাবে বৰ ডাঙৰ সকাহ। এই পানীয়টোত কিবা এটা আছে যিয়ে আমাক শিথিল কৰি তোলে। কিন্তু গাখীৰ আৰু চেনিৰ পৰা প্ৰস্তুত কৰা কফিয়ে স্বাস্থ্যৰ ক্ষতি কৰিব পাৰে। তাৰ পৰিৱৰ্তে চেনি নোহোৱাকৈ ব্লেক কফি খাব লাগে। গ্ৰেটাৰ নয়ডাৰ জিমছ হাস্পতালত কৰ্মৰত বিখ্যাত ডায়েটিচিয়ান ডাঃ আয়ুশী যাদৱে কয় যে ব্লেক কফি খালে আমাৰ শৰীৰত কি কি উপকাৰ সাধন হয়।
ব্লেক কফি খোৱাৰ উপকাৰীতা
১) কম কেলৰিযুক্ত পানীয়ঃ আমেৰিকাৰ কৃষি বিভাগৰ (USDA) তথ্য অনুসৰি পিহি লোৱা বীনৰ পৰা তৈয়াৰী একাপ নিয়মীয়া ব্লেক কফিত ২ কেলৰি থাকে। আনহাতে, এক আউন্স এনৰিচড এক্সপ্ৰেছ’ত মাত্ৰ এক কেলৰি থাকে। যদি আপুনি ডিকেফেইনযুক্ত বীন ব্যৱহাৰ কৰে তেন্তে আপোনাৰ কফিত থকা কেলৰিৰ সংখ্যা শূন্য হ’ব।
২) ওজন কমাবলৈ সহায়কঃ ব্লেক কফিত ক্ল’ৰ’জেনিক এচিড নামৰ এবিধ পদাৰ্থও থাকে, যিয়ে ওজন কমাবলৈ সহায় কৰে। ইয়াৰ ফলত ৰাতিৰ আহাৰ খোৱাৰ পিছত শৰীৰত গ্লুক’জ গঠন হোৱাত পলম হয় আৰু নতুন চৰ্বি কোষৰ গঠন কমি যায়, তাৰ পিছত ক্ৰমান্বয়ে ওজন কমিবলৈ আৰম্ভ কৰে।
৩) শৰীৰে শক্তি পায়ঃ কফিত কেফেইন পোৱা যায়। আমাৰ শৰীৰত ইয়াৰ বহুতো প্ৰভাৱ পৰে। কেফেইন হৈছে এবিধ প্ৰাকৃতিক উদ্দীপক যিয়ে আমাৰ মগজু আৰু স্নায়ুতন্ত্ৰক সক্ৰিয় আৰু মনোনিৱেশ কৰি থকাত সহায় কৰে। ইয়াৰ উপৰিও ই আমাৰ শক্তিৰ মাত্ৰা বৃদ্ধি কৰাত সহায় কৰে
Continue Reading
