ৰাজ্যত উপ-নিৰ্বাচন, আৰম্ভ ভোটগ্ৰহণ প্ৰক্ৰিয়া ...

ডিজিটেল ডেস্ক : আজি বহু প্ৰতীক্ষিত বিধানসভা উপ-নিৰ্বাচনৰ ৫সমষ্টিৰ ভোটগ্ৰহণ প্ৰক্ৰিয়া৷ এই ৫ সমষ্টি ক্ৰমে থাওৰা, মৰিয়নি, তামুলপুৰ আৰু ভৱানীপুৰ৷ কোকৰাঝাৰৰ গোসাইগাঁও সমষ্টিতো হ’ব ভোটগ্ৰহণ৷ পুৱা ৭ বজাৰপৰা আৰম্ভ হৈছে ভোটগ্ৰহণ প্ৰক্ৰিয়া৷ এই ভোটগ্ৰহণ প্ৰক্ৰিয়া অব্যাহত থাকিব বিয়লি ৫ বজালৈ৷

ইতিমধ্যে ৰাজনৈতিক দলসমূহে ভোট বিচাৰি প্ৰচাৰ অভিযান তীব্ৰতৰ কৰিছিল৷ মুখ্যমন্ত্ৰী ডঃ হিমন্ত বিশ্ব শৰ্মাকে ধৰি বিভিন্ন কেন্দ্ৰীয় মন্ত্ৰীয়ে এই সমষ্টিকেইটাত বিজেপিৰ হৈ চলাইছিল অভিযান৷ পিছ পৰা নাছিল বিৰোধী দলো৷ অৱশেষত বহু প্ৰতিক্ষাৰ অন্তত আজি ভোটগ্ৰহণ প্ৰক্ৰিয়া আৰম্ভ হৈছে৷ ৫ সমষ্টিৰ মুঠ ভোটকেন্দ্ৰ হ’ল ১,১৭৬টা৷ সমষ্টিকেইটাত প্ৰতিদ্বন্দ্বিতা কৰিছে মুঠ ৩১গৰাকী প্ৰাৰ্থীয়ে৷

২৮ নম্বৰ ছয়গাঁও সমষ্টিত আছে মুঠ ২৮৫টা ভোটকেন্দ্ৰ৷ ৪১ নং ভৱানীপুৰ সমষ্টিত আছে মুঠ ২১৩টা ভোটকেন্দ্ৰ৷ ৫৮ নং তামুলপুৰ সমষ্টিত আছে মুঠ ৩২২টা ভোটকেন্দ্ৰ৷ ১০১ নং মৰিয়নি সমষ্টিত আছে ১৮৩টা ভোটকেন্দ্ৰ৷ ১০৭ নং থাওৰা সমষ্টিত আছে ১৭৩টা ভোটকেন্দ্ৰ৷ ৯,৯৮৯টা মূল ভোটকেন্দ্ৰ আৰু ১৮৭ সহযোগী কেন্দ্ৰত হ’ব ভোটগ্ৰহণ৷ উপ-নিৰ্বাচনত মুঠ ভোটাৰ ৭ লাখ ৯৬ হাজাৰ৷