কোনে মাৰিব বিজয়ৰ হাঁহি! কোন সমষ্টিত কোনে আগবঢ়াইছে প্ৰতিদ্বন্দ্বিতা?

ডিজিটেল ডেস্ক: আজি ৫সমষ্টিত উপ-নিৰ্বাচনৰ ভোটগ্ৰহণ প্ৰক্ৰিয়া ইতিমধ্যেই আৰম্ভ হৈছে৷ ইতিমধ্যে উপ-নিৰ্বাচনত অৱতীৰ্ণ হৈছে মুঠ ৩১ গৰাকীকৈ প্ৰাৰ্থী৷ সমষ্টি অনুসৰি প্ৰাৰ্থীকেইগৰাকী হৈছে ২৮ নং গোসাইগাঁও সমষ্টিত মুঠ ৮ জন প্ৰাৰ্থী অৱতীৰ্ণ হৈছে৷ সমষ্টিটোত বিজেপি মিত্ৰজোঁটৰ হৈ ইউপিপিএলৰ জিৰন বসুমতাৰী, কংগ্ৰেছৰ পৰা জুৱেল টুডুৰ প্ৰাৰ্থিত্ব, বিপিএফৰ পৰা ধ্ৰুৱ কুমাৰ ব্ৰহ্মৰ প্ৰাৰ্থিত্ব, এআইইউডিএফৰ পৰা খাইৰুল আনাম খন্দকাৰ৷ আনহাতে সমষ্টিটোৰ পৰা ৪ নিৰ্দলীয় প্ৰাৰ্থীৰ প্ৰতিদ্বন্দ্বিতা কৰিছে৷

৪১ নং ভৱানীপুৰ সমষ্টিত আছে মুঠ প্ৰাৰ্থী ৯ গৰাকী৷ সমষ্টিটোত বিজেপিৰ হৈ প্ৰতিদ্বন্দ্বিতা কৰিছে ফণী তালুকদাৰে৷ কংগ্ৰেছৰ পৰা শৈলেন্দ্ৰ নাথ দাসৰ প্ৰতিদ্বন্দ্বিতা আগবঢ়ায়৷ এআইইউডিএফৰ জুব্বাৰ আলীৰ প্ৰাৰ্থিত্ব, বাকী ৬ গৰাকী নিৰ্দলীয় প্ৰাৰ্থীয়ে প্ৰতিদ্বন্দ্বিতা কৰে৷ ৫৮ নং তামুলপুৰ সমষ্টিত ৬ প্ৰাৰ্থীয়ে প্ৰতিদ্বন্দ্বিতা আগবঢ়ায়৷ তাৰ ভিতৰত বিজেপি মিত্ৰজোঁটৰ ইউপিপিএলৰ জলেন দৈমাৰী, কংগ্ৰেছৰ প্ৰাৰ্থী ভাস্কৰ দাহালেকৰে আগবঢ়াইছে প্ৰতিদ্বন্দ্বিতা, জিএছপিৰ হৈ ব্ৰজেন্দ্ৰ নাথ ডেকাই প্ৰতিদ্বন্দ্বিতা আগবঢ়ায়৷

ভোটাৰ্ছ পাৰ্টীৰ এজন, নিৰ্দলীয় দুজনৰ প্ৰাৰ্থিত্ব আগবঢ়ায়৷ ইপিনে ১০১নং মৰিয়নি সমষ্টিত অৱতীৰ্ণ হৈছে মুঠ ৪ জন প্ৰাৰ্থী৷ বিজেপিৰ পৰা প্ৰতিদ্বন্দ্বিতা আগবঢ়ায় ৰূপজ্যোতি কুৰ্মীয়ে, কংগ্ৰেছৰ পৰা প্ৰাৰ্থিত্ব আগবঢ়ায় লোহিত কোঁৱৰে, ৰাইজৰ দলৰ পৰা সঞ্জীৱ গগৈ৷ অসমত সংগ্ৰামী মঞ্চৰ গোপাল ঘাটোৱাৰ৷ ইপিনে ১০৭নং থাওৰা সমষ্টিত ৫ জন প্ৰাৰ্থীৰ প্ৰাৰ্থিত্ব আগবঢ়ায়৷ বিজেপিৰ পৰা প্ৰতিদ্বন্দ্বিতা কৰে সুশান্ত বৰগোহাঁয়ে৷ কংগ্ৰেছৰ মনোৰঞ্জন কোঁৱৰে প্ৰাৰ্থিত্ব কৰে, ৰাইজৰ দলৰ প্ৰাৰ্থি ধৈৰ্য কোঁৱৰ, চিপিআইৰ কৃষ্ণ গগৈ আৰু নিৰ্দলীয় এজন প্ৰাৰ্থীয়ে আগবঢ়ায় প্ৰতিদ্বন্দ্বিতা৷