বন্ধুৰ সৈতে নাচ-গানত ব্যস্ত থাকিল দৰা! খং উঠি কইনাই বিয়া কৰালে অন্য যুৱকক

দৰাযাত্ৰী নিশা ৯ বজাতে কইনা ঘৰলৈ ৰাওনা হয় কিন্তু ডিজেৰ সুৰ আৰু সুৰাৰ ৰঙীন মাদকতাত বিলীন হৈ নিশা ১ বজালৈকে নচাত ব্যস্ত হৈ থাকিল তেওঁলোক। ৰাতি ২ বজালৈকে যেতিয়া দৰা আহি মণ্ডপ নাপালে তেতিয়া কইনাঘৰত খং উঠিবলৈ ধৰিলে কাৰণ বিবাহৰ ৰীতি-নীতিবোৰ কৰিব পৰা নাছিল। ইয়াৰ বাবেই কইনাৰ ফালৰ মানুহবোৰৰ উঠিল ভীষণ খং। নিশা ১:১৫ বজাত আছিল সাত ফেৰেৰ সময়। দৰা সময়মতে আহি উপস্থিত নোহোৱাত সেই সময় উকলি গৈছিল।

 

২ বজাত দৰা আহি উপস্থিত হোৱাত কইনাৰ পক্ষ বিতুষ্ট হৈ উঠে। যেতিয়া কইনাপক্ষই দৰাযাত্ৰীসকলক হুলস্থুল বন্ধ কৰিবলৈ ক’লে, তেতিয়া দুয়ো পক্ষৰ মাজত কাজিয়া হ’ল। ইয়াৰ পাছত কইনা আৰু তেওঁৰ পৰিয়ালে আন এজন ল’ৰাৰ লগত বিয়া কৰোৱাৰ সিদ্ধান্ত লয়। ৰাতি একেটা মণ্ডপতে কইনাৰ আত্মীয়ই কইনাক আন এজন ল’ৰাৰ লগত বিয়া কৰাই দিলে। দৰাযাত্ৰীক লৈ খালী হাতেৰে অহা বাটে উভতি যায় দৰা মহাবীৰ জাট। ইয়াৰপাছত দৰা আৰু তেওঁৰ আত্মীয় আৰক্ষী থানাত উপস্থিত হয়। কইনাপক্ষই কয় যে সাত ফেৰে লোৱাৰ সময়তো যদি দৰা ইমান অসাৱধান তেন্তে ভৱিষ্যতে এনে মানুহে কেনেদৰে সম্পৰ্ক বজাই ৰাখিব? অৱশ্যে দুয়োপক্ষকে পৰামৰ্শ দিয়ে আৰক্ষীয়ে। ইয়াৰ পিছতে দুয়োপক্ষই পাৰিবাৰিক কাৰণ উল্লেখ কৰি বিবাহ বাতিলৰ বাবে লিখিতভাৱে আৰক্ষীলৈ পত্ৰ প্ৰেৰণ কৰে। এই ঘটনা সংঘটিত হৈছে ৰাজস্থানৰ চুৰু জিলাত।

আৰু পঢ়কঃ ভগৱান ৰাম আৰু হিন্দুৰ প্ৰতি ইমান ঘৃণা কিয়? কংগ্ৰেছক প্ৰশ্ন কৰিলে হাৰ্দিক পেটেলে