ডিজিটেল ডেস্কঃ সৰু পৰ্দাৰ জনপ্ৰিয় অভিনেত্ৰী বৈশালী ঠক্কৰ আৰু এই পৃথিৱীত নাই। আত্মহত্যা কৰি এই পৃথিৱীৰ পৰা বিদায় মাগিলে বৈশালীয়ে। দীৰ্ঘদিন ধৰি ইন্দোৰত বসবাস কৰি থকা অভিনেত্ৰীগৰাকীয়ে নিজৰ ইন্দোৰৰ ঘৰতে আত্মহত্যা কৰিছিল। প্ৰয়াত অভিনেতা সুশান্ত সিং ৰাজপুতৰ ভাল বন্ধু আছিল বৈশালী। সুশান্ত আৰু বৈশালীৰ এখন ছবি ছ’চিয়েল মিডিয়াত ক্ৰমান্বয়ে ভাইৰেল হৈ পৰিছে। অভিনেতাজনৰ মৃত্যুক লৈ বহু প্ৰশ্ন উত্থাপন কৰিছিল বৈশালীয়ে। তেওঁ লগতে কৈছিল যে সুশান্ত সিং ৰাজপুতৰ প্ৰকৃত হত্যাকাৰী ৰিয়া চক্ৰৱৰ্তীৰ আঁৰত লুকাই আছে।
সুশান্তৰ মৃত্যুত ভাঙি পৰিছিল বৈশালী। ২০২০ বৰ্ষত বন্ধু সুশান্ত সিং ৰাজপুতক হেৰুৱাই মনৰ দুখত ভাঙি পৰা বৈশালী ঠক্কৰে ছ’চিয়েল মিডিয়াত কেইবাটাও প’ষ্ট শ্বেয়াৰ কৰি শোক প্ৰকাশ কৰিছিল। বৈশালীয়ে বিশ্বাস কৰিব পৰা নাছিল যে সুশান্তই এই পৃথিৱী এৰি থৈ গুচি গৈছে।
সুশান্তৰ সৈতে এখন ফটো শ্বেয়াৰ কৰি বৈশালীয়ে লিখিছিল, ‘নাই নাই নাই, মোৰ কান্দোন বন্ধ হোৱা নাই। সুশান্ত আছিল এজন সুন্দৰ ব্যক্তি আৰু অভিনেতা। মই ভাবিছিলো আমি সদায় বন্ধু হৈ থাকিম। সুশান্ত কিয়...কিয় এনে হ’ল?’’
সুশান্তৰ মৃত্যুত সম্পূৰ্ণৰূপে ভাঙি পৰা বৈশালীয়ে একেৰাহে কেইবাদিনো সুশান্তৰ হৈ টুইট কৰিছিল। বৈশালী ঠক্কৰে এক সাক্ষাৎকাৰৰ সময়ত সুশান্ত সিং ৰাজপুতৰ মৃত্যুক লৈ কৈছিল, ‘‘মৃত্যুৰ অলপ পাছতে ছ’চিয়েল মিডিয়াত ভাইৰেল হোৱা সুশান্তৰ মৃতদেহৰ ছবিও মোৰ লগত আছিল। কিন্তু মই তেওঁৰ ফালে চাবলৈ সাহস কৰা নাছিলোঁ। তেওঁৰ মৃত্যুত মই ইমানেই বিচলিত হৈ পৰিছিলো যে একেৰাহে দুই-তিনিদিন কান্দিলোঁ। এই কথা মই একেবাৰে মানি ল’ব পৰা নাছিলোঁ।’’
দুবছৰ আগতে বৈশালীৰ একেবাৰেই ধাৰণা নাছিল যে তেওঁৰ জীৱনতো কেতিয়াবা এনেকুৱা হ’ব আৰু তেওঁ হঠাতে এই পৃথিৱীখন এৰি গুচি যাব। বৈশালীৰ আত্মহত্যাৰ খবৰ পোহৰলৈ অহাৰ পিছতে তেওঁৰ ক্ল’জ ফ্ৰেণ্ড আৰু অনুৰাগীসকল দুখত ভাগি পৰিছে।
Continue Reading
