ডিজিটেল ডেস্কঃ হিন্দী চিনেমাৰ জনপ্ৰিয় অভিনেতা ছলমান খান। অৱশ্যে কেইবাটাও বিতৰ্কৰ বাবে তেওঁৰ নামো বাতৰিৰ শিৰোনাম দখল কৰি আহিছে। তেনে এক মতানৈক্য আছিল গায়ক অৰিজিৎ সিঙৰ সৈতে, যাৰ বাবে দুয়োজনে বহুদিন ইজনে সিজনৰ সৈতে যোগাযোগ নাছিল ।
অৱশ্যে ছলমান খানৰ থ্ৰিলাৰ ছবি টাইগাৰ ৩ মুক্তি পোৱাৰ পিছত দুবছৰ পূৰ্বে তেওঁলোকৰ মাজত মিলন ঘটিছিল। এতিয়া ছলমান খানে প্ৰথমবাৰৰ বাবে ৰাজহুৱাভাৱে অৰিজিত সিঙৰ সৈতে হোৱা বিবাদৰ কথা কৈছে আৰু কণ্ঠশিল্পীগৰাকীৰ সৈতে তেওঁৰ বৰ্তমানৰ সম্পৰ্কৰ কথাও প্ৰকাশ কৰিছে।
অৰিজিত সিং বিতৰ্কক লৈ ছলমান খানৰ প্ৰতিক্ৰিয়া
শেহতীয়াকৈ ছলমান খানে আয়োজন কৰা বিগ বছ ১৯ৰ উইকেণ্ড কা ৱাৰৰ সময়ত গায়ক অৰিজিত সিঙৰ সৈতে হোৱা কাজিয়া আৰু বৰ্তমানৰ সম্পৰ্কৰ বিষয়ে মুকলিকৈ কয়।
ইউটিউবাৰ ৰবি গুপ্তাই উইকেণ্ড কা ৱাৰত অতিথি হিচাপে উপস্থিত হৈ ছলমান-অৰিজিতৰ বিষয়টো উত্থাপন কৰে। যাৰ উত্তৰত ভাইজানে কয়, "অৰিজিত আৰু মই এতিয়া বহুত ভাল বন্ধু। সেইটো মোৰ ফালৰ পৰা ভুল বুজাবুজি আছিল। তেতিয়াৰ পৰাই তেওঁ মোৰ বাবে বহু গীত গাইছে।" অৰিজিত সিঙৰ বিতৰ্কৰ প্ৰতি এনেদৰে প্ৰতিক্ৰিয়া প্ৰকাশ কৰিছে ছলমান খানে।
কিয় হৈছিল বিবাদ?
২০১৪ চনত এটা এৱাৰ্ড শ্ব’ত ছলমান খান আৰু অৰিজিত সিঙৰ মাজত বিবাদ হৈছিল। শ্ব’টোৰ ঘোষক আছিল ছলমান, আৰু যেতিয়া অৰিজিতৰ বঁটা প্ৰদানৰ পাল আহিল, তেতিয়া ছলমানে মঞ্চত তেওঁৰ গায়িকিক অনুকৰণ কৰিছিল, যিটো অৰিজিতে পছন্দ কৰা নাছিল আৰু ঘোষক হিচাপে ছলমানক বিৰক্তিকৰ বুলি অভিহিত কৰিছিল। ইয়াৰ ফলত দুয়োৰে মাজত উত্তেজনাৰ সৃষ্টি হয় আৰু বহু বছৰ ধৰি দুয়োৰে মাজত বিভাজন হয়।
ছলমানৰ ছবিত গীত গাবলৈও অস্বীকাৰ কৰিছিল অৰিজিতে। অৱশ্যে ছলমান খানৰ ২০২৩ চনৰ যশ ৰাজ ফিল্মছৰ বেনাৰত "টাইগাৰ ৩"শীৰ্ষক ছবিখনৰ "লেকে প্ৰভু কা নাম" গীতটোত অৰিজিত সিঙে কণ্ঠদান, যিটো গীত ছলমানক লৈ চিত্ৰগ্ৰহণ কৰা হৈছিল। ইয়াৰ ফলত দুয়োৰে মাজত বহু প্ৰত্যাশিত মিলন ঘটিল। ২০২৩ চনৰ অক্টোবৰ মাহত অৰিজিতক ছলমানৰ ঘৰলৈ যোৱা দেখা গৈছিল, তাৰ পিছত দুয়োৰে মাজত মিলনৰ খবৰ আহিছিল। অৰিজিতে ছলমানৰ বাবে "বেটল অৱ গালৱান" ছবিখনতো গীত গাইছিল।
Continue Reading
