ডিজিটেল ডেস্কঃ ‘ধূম’ আৰু ‘ধূম ২’ৰ দৰে ছুপাৰহিট ছবিৰ পৰিচালক সঞ্জয় গাধৱী আৰু নাই। দেওবাৰে পুৱা প্ৰায় ৮.৪৫ বজাত ঘৰত চাহ খাই থকা অৱস্থাত হঠাৎ মাটিত পৰি হাৰ্ট এটেকত মৃত্যু হয় সঞ্জয় গাধৱীৰ। মৃত্যুৰ সময়ত তেওঁৰ বয়স আছিল ৫৭ বছৰ।
সঞ্জয় গাধৱীয়ে আগতে শ্ৰীদেৱীয়ে বাস কৰা আন্ধেৰী অঞ্চলৰ একেটা অট্টালিকা ‘গ্ৰীণ একৰ’তে বাস কৰিছিল। যদিও যোৱা এবছৰ ধৰি সেই অট্টালিকাটোত বনি কাপুৰে বাস কৰা নাই।
ঘৰতে অচেতন হৈ পৰাৰ পিছত সঞ্জয় গাধৱীক লগে লগে আন্ধেৰীৰ কোকিলাবেন ধীৰুভাই আম্বানী চিকিৎসালয়লৈ লৈ যোৱা হয় আৰু তাতেই তেওঁক মৃত ঘোষণা কৰা হয়।
সঞ্জয়ৰ কাম যদি চাওঁ তেন্তে ২০০০ চনত ‘তেৰে লিয়ে’ ছবিৰ জৰিয়তে তেওঁ পৰিচালক হিচাপে আত্মপ্ৰকাশ কৰিছিল। ২০০৪ চনত প্ৰথমবাৰৰ বাবে খ্যাতি লাভ কৰিছিল সঞ্জয়ে। তেওঁ একচন থ্ৰিলাৰ ছবি ‘ধূম’ পৰিচালনা কৰিছিল। ‘ধূম’ ছবিখনত অভিষেক বচ্চন, উদয় চোপ্ৰা, জন আব্ৰাহাম, ঈশা দেওল, ৰিমি সেনৰ দৰে তাৰকাক দেখা গৈছিল। চিনেমাখন আছিল ছুপাৰহিট।
ইয়াৰ উপৰিও সঞ্জয়ে পৰিচালনা কৰিছে ‘ধূম ২’, ‘মেৰে ইয়াৰ কি ছাদি হে’ আৰু ইমৰাণ খান অভিনীত ছবি ‘কিডনেপ’। ইয়াৰ উপৰিও ২০১২ চনত তেওঁ পৰিচালনা কৰিছিল ‘আজাব গাজাব লাভ’। তেওঁ ‘অপাৰেচন পৰিণ্ডে’ ছবিও পৰিচালনা কৰিছে। এই ছবিখন ২০২০ চনত মুক্তি লাভ কৰিছিল।
Continue Reading
