চৰাইৰ প্ৰতি স্নেহ! এতিয়ালৈকে ২.৫ লাখতকৈও অধিক বাহ নিৰ্মাণ এইজন লোকৰ

ডিজিটেল ডেস্কঃ এজন পক্ষীপ্ৰেমী লোক। লোকজনে পক্ষীক ইমানেই ভালপায় যে সিহঁতৰ নিৰাপত্তাৰ বাবে তেওঁ ২.৫ লাখতকৈও অধিক বাহ নিৰ্মাণ কৰিছে। মানুহজনৰ নাম ৰাকেশ খাত্ৰী(Rakesh Khatri)। তেওঁ বাস কৰে দিল্লীৰ অশোক বিহাৰত। এই মহৎ কামৰ বাবে মানুহে তেওঁক 'নেষ্ট মেন অৱ ইণ্ডিয়া' বুলি অভিহিত কৰিছে। তেওঁ মানুহক চৰাইৰ বাহ কেনেদৰে নিৰ্মাণ কৰিব লাগে শিকায় আৰু এতিয়ালৈকে প্ৰায় ১০ লাখ শিশুক বাহ নিৰ্মাণৰ বাবে প্ৰশিক্ষণ দিছে। তেওঁ চৰাইৰ বাবে আশ্ৰয়স্থল নিৰ্মাণৰ বাবে বহুতো বঁটা লাভ কৰিছে। ৰাকেশ খাত্ৰীয়ে ৰাজধানী দিল্লীত চৰাইবোৰক বচাবলৈ ২.৫ লাখতকৈও অধিক বাহ নিৰ্মাণ কৰি সকলোকে আচৰিত কৰি তুলিছে। তেওঁ কয় যে, মই সৰুৰে পৰা চৰাইৰ সৈতে খেলিবলৈ খুব ভাল পাইছিলো আৰু তেতিয়াৰ পৰাই মই সিহঁতৰ বাবে বাহ বনোৱা আৰম্ভ কৰিছিলোঁ। এতিয়ালৈকে মই মোৰ জীৱনত ২.৫ লাখতকৈও অধিক বাহ সাজিছোঁ। তেওঁ কৈছিল যে এটা বাহ সাজিবলৈ কৰিবলৈ মানুহৰ বেছি সময় নালাগে। চৰাইবোৰেও থাকিবলৈ এটা ঘৰ বিচাৰে। আগতে ঘৰচিৰিকাবোৰ আমাৰ ঘৰৰ ভিতৰত বাস কৰিছিল, কিন্তু আজিকালি কথাবোৰ সলনি হল। "মই লাখ লাখ শিক্ষাৰ্থীক বাহ কেনেদৰে নিৰ্মাণ কৰিব লাগে শিকাইছো। প্ৰথমতে, মানুহে মোক উপহাস কৰি কৈছিল যে চৰাইবোৰে তেওঁ নিৰ্মাণ কৰা বাহটোত কেনেকৈ প্ৰৱেশ কৰিব। অৱশ্যে, যেতিয়া চৰাইবোৰে সেই বাহত প্ৰৱেশ কৰিবলৈ আৰম্ভ কৰিছিল, তেওঁলোকেও তেওঁলোকৰ ঘৰত বাহ সাজিবলৈ আৰম্ভ কৰিছিল। খাত্ৰীয়ে লগতে জনায় যে তেওঁ কোভিড-১৯ মহামাৰীৰ সময়ত কেইবাটাও ৱেবিনাৰ পৰিচালনা কৰিছিল আৰু মানুহক পাট, প্লাষ্টিক, ঘাঁহ, কাঠ আদিৰ পৰা বাহ কেনেকৈ নিৰ্মাণ কৰিব পাৰি শিকাইছিল। তেওঁ এই পদক্ষেপৰ বাবে এতিয়ালৈকে মুঠ পাঁচটা বঁটা লাভ কৰিছে, যাৰ ভিতৰত আছে সৰ্বাধিক সংখ্যক হস্তনিৰ্মিত নেষ্ট আৰু ৱৰ্কশ্বপৰ বাবে লিমকা বুক অফ ৰেকৰ্ডছ, 2019 আৰু হাউচ অফ কমন্স লণ্ডনত স্পেৰো সংৰক্ষণ আৰু অন্যান্যৰ ওপৰত শ্ৰেষ্ঠ অনুশীলনৰ বাবে ইণ্টাৰনেছনেল গ্ৰীণ এপল বঁটা লাভ কৰিছে। ইয়াৰ লগতে জলবায়ু পৰিৱৰ্তনৰ ওপৰত ১২টা ভাষাত ১১২০০০ শিক্ষাৰ্থীৰ সৈতে কৰা থিয়েটাৰৰ বাবে তেওঁৰ নাম লিমকা বুক অৱ ৰেকৰ্ডত সন্নিৱিষ্ট হৈছে। এই বছৰ আইচিএছচি বোৰ্ডৰ চতুৰ্থ শ্ৰেণীৰ ইংৰাজী কিতাপত ৰাকেশ খাত্ৰীৰ বিষয়ে বিশেষ অধ্যায়ত অন্তৰ্ভুক্ত কৰা হৈছে। খাত্ৰীয়ে ৱৰ্ল্ড বুক অফ ৰেকৰ্ডছ আৰু ৰাষ্ট্ৰীয় বঁটাও লাভ কৰিছে। আৰু পঢ়কঃ ডিজিটেল ভিক্ষাৰী! গুগল-পে, ফোন-পে’ত ভিক্ষা লয় এইজন লোকে