ডিজিটেল ডেস্ক: ভাৰতত দ্ৰুতগতিত বৃদ্ধি পাবলৈ ধৰিছে চাইবাৰ আক্ৰমণৰ ঘটনা৷ ২০২৪ চনৰ প্ৰথমাৰ্ধতে ৫৯৩ টা চাইবাৰ আক্ৰমণৰ গোচৰ ৰুজু হৈছিল৷ দেশৰ শিক্ষা, প্ৰযুক্তি খণ্ড সমূহৰ লগতে স্বাস্থ্য, বেংকিং আদি খণ্ডক আক্ৰমণৰ লক্ষ্য কৰি লৈছিল চাইবাৰ অপৰাধীয়ে৷ সম্প্ৰতি দেশৰ উচ্চতম ন্যায়ালয়ো চাইবাৰ আক্ৰমণৰ বলি হোৱাৰ তথ্য পোহৰলৈ আহিছে৷
হেক হৈছে উচ্চতম ন্যায়ালয়ৰ ইউটিউব চেনেল৷ প্ৰাপ্ত তথ্য অনুসৰি শুকুৰবাৰে পুৱাৰ ভগৰ পৰা উচ্চতম ন্যায়ালয়ৰ ইউটিউব চেনেলত ন্যালয়ৰ দ্বাৰা উপলব্ধ হোৱা ভিডিঅৰ পৰিৱৰ্তে আমেৰিকা যুক্তৰাষ্টৰ কোম্পাণী ৰিপল লেবচে বিকাশ ঘটোৱা ক্ৰিপ্টোকাৰেন্সী এক্সআৰপিৰ প্ৰচাৰমূলক ভিডিঅ’ সম্প্ৰচাৰিত হৈ থকা ব্যৱহাৰকাৰী সকলে পৰিলক্ষিত কৰিছে৷তাৰ লগে লগে ভিডিঅ’ৰ ওপৰত অভিযোগ দিয়ে ব্যৱহাৰকাৰী সকলে৷ সাধাৰণতে উচ্চতম ন্যায়ালয়ৰ ইউটিউব চেনেলত গুৰুত্বপূৰ্ণ সাংবিধানিক শুনানিৰ পোনপটীয়া সম্প্ৰচাৰ কৰা হয়৷ সম্প্ৰতি পূৰ্বে সম্প্ৰচাৰ হোৱা ভিডিঅ’ সমূহো উপলব্ধ হৈ থকা নাই বুলি জানিব পৰা গৈছে৷
দেশৰ ন্যায় বিভাগৰ ওপৰত হোৱা চাইবাৰ আক্ৰমণত গভীৰ উদ্দেগ প্ৰকাশ কৰিছে আইন বিশেষজ্ঞ সকলে৷ এই ঘটনাই দেশৰ চাইবাৰ সুৰক্ষাৰ ক্ষেত্ৰত প্ৰশ্ন উত্থাপন কৰিছে৷ উল্লেখযোগ্য যে হেকাৰৰ দলটোৱে জনপ্ৰিয় তথা প্ৰভাৱশালী ইউটিউব একাউণ্ট ইয়াৰ পূৰ্বেও হেক কৰি প্ৰৱঞ্চনা কৰি আহিছে বুলি জানিব পৰা গৈছে৷
Continue Reading
