ডিজিটেল ডেস্কঃ হিন্দু জ্যোতিষত বিশ্বাস কৰা হয় যে মানুহৰ ৰাশিচক্ৰৰ ওপৰত গ্ৰহৰ প্ৰভাৱ পৰে। গ্ৰহৰ প্ৰভাৱ ভাল বা বেয়া দুয়োটা হ’ব পাৰে। কিন্তু জ্যোতিষ আৰু বাস্তশাস্ত্ৰত গ্ৰহৰ কু-প্ৰভাৱ দূৰ কৰাৰ বাবে প্ৰতিকাৰৰ ব্যৱস্থা কৰা হৈছে। যদি আপুনি আপোনাৰ গ্ৰহদোষ দূৰ কৰিব বিচাৰে তেন্তে প্ৰতিদিনে চৰাইক খাদ্য খুৱাব লাগিব। জ্যোতিষশাস্ত্ৰৰ মতে প্ৰতিদিনে চৰাই-চিৰিকটিক খাদ্য খুৱালে গ্ৰহবোৰৰ অৱস্থা উন্নত হয়। প্ৰতিজন ব্যক্তিয়ে চৰাইক খাদ্য খুৱাব লাগে। গ্ৰহদোষ দূৰ কৰা বুলিয়েই নহয় চৰাই-চিৰিকটিক খাদ্য খুৱালে পূণ্যও অৰ্জন হয় আৰু নিজেও মানসিক প্ৰশান্তি পোৱা যায়।
জ্যোতিষশাস্ত্ৰৰ মতে প্ৰতিজন ব্যক্তিৰ প্ৰগতি, অৱক্ষয় আৰু স্বাস্থ্য গ্ৰহবোৰৰ গতিৰ ওপৰত নিৰ্ভৰ কৰে আৰু মানুহৰ স্বভাৱ প্ৰকৃতিৰ সৈতে সম্পূৰ্ণৰূপে জড়িত হৈ থাকে।
চৰাইক কি খাদ্য খুৱালে কি গ্ৰহৰ দোষ দূৰ হয় জানো আহক
১) চৰাইক ঘেঁহু খুৱালে সূৰ্য্য আৰু মংগল গ্ৰহৰ অশুভ প্ৰভাৱ দূৰ হয়।
২) চন্দ্ৰ আৰু শুক্ৰৰ দোষ আঁতৰাবলৈ চৰাইবোৰক ধান, চাউল খুৱাব লাগে।
৩) চৰাইবোৰক মগু বা গোমধানৰ গুটি খুৱালে বুধ গ্ৰহৰ দোষ আঁতৰ হয়।
৪) বুট দাইল আৰু বুট খুৱালে বৃহস্পতি দোষৰ পৰা মুক্তি পায়।
৫) মাটি দাইল আৰু ক'লা তিল খুৱালে শনি দোষ আঁতৰ হয়।
৬) ৰাহু আৰু কেতুৰ লগত জড়িত দোষ আঁতৰাবলৈ চৰাইবোৰক বাজৰা খুৱাব লাগে।
Continue Reading
