ডিজিটেল ডেস্ক: প্ৰধানমন্ত্ৰী নৰেন্দ্ৰ মোদীয়ে কেন্দ্ৰীয় চৰকাৰৰ সচিবসকলক উৎপাদন আৰু দেশৰ ব্যক্তিগত খণ্ডত চাকৰি সৃষ্টিত গতি প্ৰদান কৰিবলৈ ব্যক্তিগত খণ্ডৰ সৈতে সম্পৰ্ক ৰাখি চলিবলৈ পৰামৰ্শ দিছে৷ লগতে প্ৰধানমন্ত্ৰীয়ে ৰাজহুৱা আৰু ব্যক্তিগত খণ্ডৰ সকলো হস্তক্ষেপৰ ওপৰত গুৰুত্ব আৰোপ কৰিছে বুলি কেন্দ্ৰীয় চৰকাৰৰ কেবিনেট সচিব ৰাজীৱ গৌবাই সদৰী কৰিছে৷
কেবিনেট সচিব গৌবাই সচিবসকললৈ চিঠি লিখি ২ এপ্ৰিলৰ বৈঠকত প্ৰধানমন্ত্ৰীয়ে তেওঁলোকক দিয়া পৰামৰ্শৰ ওপৰত তাৎক্ষণিক ব্যৱস্থা গ্ৰহণ কৰিবলৈ নিৰ্দেশ জাৰি কৰিছে৷ চৰকাৰে অৰ্থনৈতিক বিকাশৰ বাবে ‘সহায়ক’ আৰু ‘অনুঘটক এজেণ্ট’ হিচাপে কাম কৰা উচিত বুলি উল্লেখ কৰি গৌবাই মন্তব্য কৰে৷
নিযুক্তিক উচ্চ অগ্ৰাধিকাৰ দিয়া উচিত বুলি উল্লেখ কৰি কেবিনেট সচিবে লগতে লিখিছিল যে ই ৰাজহুৱা আৰু ব্যক্তিগত খণ্ডত চৰকাৰী হস্তক্ষেপৰ কেন্দ্ৰবিন্দু হ’ব লাগে। ৪ এপ্ৰিলত প্ৰকাশিত পত্ৰখনত উল্লেখ কৰা হৈছে যে, প্ৰতিটো মন্ত্ৰণালয়/বিভাগে অনুমোদিত পদৰ বিপৰীতে খালী পদসমূহ পূৰণ কৰাৰ বাবে তৎক্ষণাৎ পদক্ষেপ লোৱা উচিত৷
পত্ৰখনত উল্লেখ কৰা হৈছে, সকলো ব্যৱস্থা পুনৰীক্ষণ কৰা প্ৰয়োজন আৰু এই ব্যৱস্থাবোৰ বাতিল /সংশোধন কৰাৰ বাবে সেই অনুসৰি ব্যৱস্থা লোৱা প্ৰয়োজনীয়তা আছে৷
Continue Reading
