ডিজিটেল ডেস্ক: আৰক্ষী থানাৰ ভিতৰতে সাংবাদিকসহ আঠগৰাকী লোকক অৰ্ধ-উলংগ কৰিলে আৰক্ষীয়ে৷ মধ্যপ্ৰদেশৰ এখন আৰক্ষী থানাৰ ভিতৰত এজন সাংবাদিক আৰু থিয়েটাৰ শিল্পীকে ধৰি এদল লোকক তেওঁলোকৰ কাপোৰ-কানি খুলি কেৱল অন্তৰ্বাস পিন্ধাই থিয় কৰি ৰখা দেখা গৈছে৷ ফটোখনত আঠজন লোকক সন্মুখত হাত দুখন ধৰি দেৱালৰ আগত থিয় হৈ থকা দেখা গৈছিল।
ফটোখনত চিনাক্ত কৰা লোকসকলৰ ভিতৰত এজন স্থানীয় সাংবাদিক আৰু ইউটিউবাৰে অভিযোগ কৰিছিল যে তেওঁক নিৰ্যাতন কৰা হৈছিল, মাৰপিট কৰা হৈছিল৷ এজন স্থানীয় বিজেপি বিধায়কৰ বিৰুদ্ধে হোৱা প্ৰতিবাদ ক’ভাৰ কৰিবলৈ যোৱাৰ সময়ত কিছু আৰক্ষীৰ লোকে তেওঁক কাপোৰ খুলিবলৈ কৈছিল।
ঘটনাটো শনিবাৰে মধ্য প্ৰদেশৰ চিধি জিলাত সংঘটিত হৈছিল৷ সাংবাদিকজনে বিজেপি বিধায়ক কেদাৰনাথ শুক্লা আৰু তেওঁৰ পুত্ৰ কেদাৰ গুৰু দত্ত শুক্লাৰ বিৰুদ্ধে ভুৱা ফেচবুক প্ৰফাইল ব্যৱহাৰ কৰি অশালীন মন্তব্য কৰাৰ অভিযোগত থিয়েটাৰ শিল্পী নীৰজ কুন্দৰক গ্ৰেপ্তাৰ কৰাৰ বিৰুদ্ধে প্ৰতিবাদ ক’ভাৰ কৰিবলৈ গৈছিল।
সাংবাদিক কনিষ্ক তিৱাৰীয়ে দাবী কৰিছিল যে তেওঁ আৰু তেওঁৰ কেমেৰা পাৰ্ছনক গ্ৰেপ্তাৰ কৰা হৈছিল আৰু কেইবাটাও শাখাত অভিযুক্ত কৰা হৈছিল, যাৰ ভিতৰত আছে অনধিকাৰ প্ৰৱেশ আৰু ৰাজহুৱা শান্তিৰ বিভ্ৰান্তি। আৰক্ষীয়ে তেওঁক সুধিছিল, ‘আপুনি বিধায়কজনৰ বিৰুদ্ধে কিয় কাহিনী চলাই আছে?’
ছবিখনত দেখা পোৱা আন লোকসকলৰ সৈতে তিৱাৰীক ১৮ ঘণ্টাৰ বাবে আৰক্ষীৰ জিম্মাত ৰখা হৈছিল৷ তিৱাৰীয়ে অভিযোগ কৰি কয় যে, ‘আৰক্ষীয়ে ২ এপ্ৰিলৰ নিশা প্ৰায় ৮ বজাত আমাক জিম্মাত লৈছিল আৰু ৩ এপ্ৰিলৰ সন্ধিয়া ৬ বজাত আমাক মুকলি কৰি দিছিল৷’ একে সময়তে, সাংবাদিক কনিষ্কাই অভিযোগ কৰে যে স্থানীয় বিধায়ক আৰু আৰক্ষীৰ বিৰুদ্ধে বাতৰি চলোৱাৰ বাবে তেওঁক গ্ৰেপ্তাৰ কৰা হৈছিল। অৱশ্যে, আৰক্ষীয়ে এই সকলোবোৰ অস্বীকাৰ কৰিছে।
Continue Reading
