ডিজিটেল ডেস্ক : মহাকাশত এটি ধ্বংসাৱশেষ৷ এই ধবংসাৱশেষটো চীনৰ দ্বাৰা প্ৰেৰণ কৰা স্পেচএক্সৰ বুলি প্ৰকাশ কৰিছে বিজ্ঞানীসকলে৷ স্পেচএক্স ৰকেটৰ ধ্বংসাৱশেষ মহাকাশত প্ৰত্যক্ষ কৰাৰ পাছত চন্দ্ৰলৈ কঢ়িয়াই আনিছে অশনি সংকেত৷ জ্যোতিৰ্বিজ্ঞানীসকলে ইয়াক চীনা মহাকাশ সংস্থাৰ চন্দ্ৰ অন্বেষণ কাৰ্যসূচীৰ সময়ত ২০১৪ চনত চাং'ই 5-টি1-ৰ বাবে উৎক্ষেপণ কৰা বুষ্টাৰ বুলি স্পষ্ট কৰিছিল। কিন্তু চীনে এই দায়িত্ব অস্বীকাৰ কৰে৷ তাৰ বিপৰীতে মহাকাশৰ আৱৰ্জনাৰ টুকুৰাটো বেইজিঙৰ চন্দ্ৰ অন্বেষণৰ সময়ত বুলি বিশেষজ্ঞসকলে মত পোষণ কৰে।
জ্যোতিৰ্বিজ্ঞানীসকলে প্ৰথমতে ভাবিছিল যে বিপথগামী টুকুৰাটো স্পেচএক্স ৰকেটৰ এটা অংশ৷ যি ৭ বছৰ আগতে বিস্ফোৰণ হৈছিল আৰু ইয়াৰ অভিযান সম্পূৰ্ণ কৰাৰ পাছত মহাকাশত এৰি দিয়া হৈছিল। ৰকেটৰ ধ্বংসাৱশেষটো ৪ মাৰ্চত চন্দ্ৰত খুন্দা মৰাৰ সম্ভাৱনা আছে। কিন্তু চীনৰ বৈদেশিক মন্ত্ৰালয়ে সোমবাৰে দাবীটো নাকচ কৰি কয় যে আমি নিক্ষেপ কৰা বুষ্টাৰটো 'পৃথিৱীৰ বায়ুমণ্ডলত সুৰক্ষিতভাৱে প্ৰৱেশ কৰিছিল আৰু সম্পূৰ্ণৰূপে ভস্মীভূত হৈছিল।' লগতে মুখপাত্ৰ ৱাং ৱেনবিনে প্ৰেছ বিজ্ঞপ্তিৰ জৰিয়তে উল্লেখ কৰে যে, বেইজিঙে 'বাহিৰৰ মহাকাশত কাৰ্যকলাপৰ দীৰ্ঘম্যাদী স্থিৰতা সতৰ্কতাৰে বজাই ৰাখে৷'
চীনে মহাকাশত মহাশক্তি প্ৰদৰ্শন কৰাৰ লক্ষ্যৰে বিগ বৰ্ষত কিছু পদক্ষেপ হাতত লৈছিল৷ ইয়াৰ নতুন মহাকাশ কেন্দ্ৰলৈ আটাইতকৈ দীঘলীয়া ক্ৰুড মিছন আৰম্ভ কৰাৰ লগে লগে এক গুৰুত্বপূৰ্ণ পদক্ষেপ লৈছিল। বিশ্বৰ দ্বিতীয় সৰ্ববৃহৎ অৰ্থনীতিয়ে ইয়াৰ সামৰিক পৰিচালিত মহাকাশ কাৰ্যসূচীত কোটি কোটি টকা নিয়োগ কৰিছে আৰু অৱশেষত চন্দ্ৰলৈ মানুহ প্ৰেৰণ কৰিব বুলিও আশা প্ৰকাশ কৰিছে।
Continue Reading
