ডিজিটেল ডেস্ক: কেন্দ্ৰীয় চৰকাৰৰ অভিযান ‘মোৰ মাটি মোৰ দেশ’এ গঢ়িছে বিশ্ব অভিলেখ৷ গীনিজ বুক অব ৱ’ৰ্ল্ড ৰেকৰ্ডত লিপিবদ্ধ হ’ল মোৰ দেশ মোৰ মাটি অভিযান৷
‘মোৰ মাটি মোৰ দেশ’ অভিযানৰ অধীনত প্ৰায় ১০.৪২ লাখ চেলফীৰ অভিলেখ গঢ়ি তোলা হৈছে। মহাৰাষ্ট্ৰৰ মুখ্যমন্ত্ৰী একনাথ সিন্দে আৰু উপ-মুখ্যমন্ত্ৰী দেৱেন্দ্ৰ ফাডনাভিছে গীনিজ বুক অব্ ৱ’ৰ্ল্ড ৰেকৰ্ডছৰ প্ৰমাণপত্ৰ গ্ৰহণ কৰে।
উল্লেখ্য যে, এই অভিযানৰ জৰিয়তে ভাৰতে চীনৰ অভিলেখ ভংগ কৰিছে৷ চীনত ২০১৬ত সৰ্বাধিকসংখ্যক অনলাইন চেলফীৰ অভিলেখ আছিল, সেয়াও মাত্ৰ এক লাখ চেলফীৰ সৈতে। এতিয়া মহাৰাষ্ট্ৰৰ সাবিত্ৰীবাই ফুলে পুনে বিশ্ববিদ্যালয়ে মাটিৰ সৈতে ১০,৪২,৫৩৮টা চেলফীৰ অভিলেখ গঢ়িবলৈ সক্ষম হৈছে৷
মুম্বাই বিশ্ববিদ্যালয়ত গীনিজ বুক অব্ ৱ’ৰ্ল্ড ৰেকৰ্ডৰ প্ৰমাণপত্ৰ বঁটা প্ৰদান অনুষ্ঠানত অংশ গ্ৰহণ কৰাৰ পাছত উপ-মুখ্যমন্ত্ৰী ফাডনাভিছে কয় যে এইটো সকলোৰে বাবে এক গৌৰৱৰ মুহূৰ্ত। বিশ্ববিদ্যালয়খনে এটা বিশ্ব অভিলেখ গঢ়িছে। আমাৰ ২৫ লাখ চেলফী আছিল, কিন্তু ১০,৪২,৫৩৮টা চেলফী অনুমোদিত হৈছে। আমি চীনক পৰাস্ত কৰি বিশ্ব অভিলেখ গঢ়িছোঁ।
মেৰী মাটি মেৰা দেশ অভিযানক দেশপ্ৰেমৰ প্ৰতীক বুলি উল্লেখ কৰে তেওঁ কয় যে মহাৰাষ্ট্ৰই সম্পূৰ্ণ সমৰ্থনৰ সৈতে এই অভিযানত অংশগ্ৰহণ কৰিছিল। দিল্লীলৈ মাটি প্ৰেৰণ কৰিবলৈ ৰে’লৰ বাবে বিশেষ ব্যৱস্থা কৰা হৈছে।
উপ-মুখ্যমন্ত্ৰী ফাডনাভিছে কৈছিল যে ‘মোৰ মাটি মোৰ দেশ’ অভিযানৰ উদ্দেশ্য আছিল দেশৰ বাবে প্ৰাণ উৎসৰ্গা কৰা সাহসী সেনা জোৱানসকলক শ্ৰদ্ধাঞ্জলি জনোৱা। সমগ্ৰ দেশৰ গ্ৰাম্য অঞ্চলৰ ৬ লাখতকৈও অধিক গাঁও আৰু চহৰত এই অভিযান চলোৱা হৈছিল। অভিযানটো ৩১ অক্টোবৰত সমাপ্ত হৈছিল। সামৰণি অনুষ্ঠানত উপস্থিত আছিল প্ৰধানমন্ত্ৰী নৰেন্দ্ৰ মোদী।
Continue Reading
