ডিজিটেল ডেস্কঃ অহা ১২ নৱেম্বৰত সমগ্ৰ দেশতে উদ্যাপন কৰা হ'ব দীপাৱলী। একে সময়তে আজি ধনতেৰাছ উৎসৱো অতি ধুমধামেৰে উদ্যাপন কৰা হৈছে৷ এই ধনতেৰাছত অভিনেত্ৰী অনন্যা পাণ্ডেই ক্ৰয় কৰিছে অতি দামী এবিধ সম্পদ৷
দৰাচলতে অনন্যা পাণ্ডেই মুম্বাইত নিজাকৈ এটা অতি বিলাসী ঘৰ কিনিছে। অভিনেত্ৰীগৰাকীয়ে নিজেই এই তথ্য তেওঁৰ অনুৰাগীৰ সৈতে শ্বেয়াৰ কৰিছে। অনন্যা পাণ্ডেই নিজৰ ইনষ্টাগ্ৰামত গৃহপ্ৰৱেশ অনুষ্ঠানৰ কিছু ছবি পোষ্ট কৰিছে। প্ৰথম ফটোখনত অভিনেত্ৰীগৰাকীয়ে পূজাৰ বাবে নিৰ্মিত মন্দিৰৰ কাষত হাতযোৰ কৰি বহি আছে। অনন্যায়ে পৰৱৰ্তী শ্লাইডত এটা ভিডিঅ' শ্বেয়াৰ কৰিছে।উল্লেখ্য যে অনন্যাই তেওঁৰ এই সম্পদৰ বাবে বহু অভিনন্দন লাভ কৰিছে।
স্মৰ্তব্য যে অনন্যা পাণ্ডেক শেষবাৰৰ বাবে দেখা গৈছিল আয়ুস্মান খুৰানাৰ সৈতে ড্ৰিম গাৰ্ল ২ শীৰ্ষক ছবিখনত। অনন্যাই অভিনয়ত আত্মপ্ৰকাশ কৰে ষ্টুডেণ্ট অৱ দ্য ইয়েৰ ২ ৰ সৈতে।শেহতীয়াকৈ আদিত্য ৰয় কাপুৰৰ সৈতে থকা সম্পৰ্কক লৈ বাতৰিৰ শিৰোনাম দখল কৰিছে অভিনেত্ৰীগৰাকীয়ে।
Continue Reading
