ডিজিটেল ডেস্কঃ দক্ষিণ ভাৰতৰ গুৰুত্বপূৰ্ণ চহৰত এতিয়া ৰেবিছৰ আতংক বিৰাজমান৷ শুকুৰবাৰে লাভ কৰা তথ্য অনুসৰি চেন্নাইত ২৯ জন লোকক কামোৰাৰ পাছত প্ৰহাৰ কৰি হত্যা কৰা এটা কুকুৰৰ নমুনা পৰীক্ষাত ৰেবিজ পজিটিভ পোৱা গৈছে।
বৃহত্তৰ চেন্নাই নিগমে ৰয়পুৰম অঞ্চলত কুকুৰটোৱে কামোৰা ব্যক্তিসকলৰ সংস্পৰ্শত থকা বুলি উল্লেখ কৰি অতি সোনকালে জলাতংক প্ৰতিৰোধী ভেকচিনৰ বেজী ল’বলৈ পৰামৰ্শ দিছে।
মঙলবাৰে কুকুৰটোৱে বিশেষ অঞ্চলৰ একাধিক বাসিন্দাক আক্ৰমণ কৰে, আৰু ভুক্তভোগীক সহায় কৰিবলৈ হস্তক্ষেপ কৰা এজন ব্যক্তিকো কামুৰি দিয়ে। ক্ষুব্ধ স্থানীয় লোকে কুকুৰটোক শিলগুটিৰে আঘাত কৰি পাছত হত্যা কৰে।এই কাণ্ডৰ পাছত নিগমৰ বিষয়াসকলে অঞ্চলটোৰ পৰা আৰু ৩১টা বিপথগামী কুকুৰ ধৰে, আৰু কুকুৰসমূহক জলাতংক ৰোগৰ পৰা প্ৰতিষেধক প্ৰদানৰ প্ৰক্ৰিয়া আৰম্ভ কৰা হৈছে।বিশেষ বিপথগামী কুকুৰৰ বিৰুদ্ধে অভিযান আৰু কুকুৰবোৰৰ বাবে এ আৰ ভি টীকাকৰণো সমগ্ৰ মহানগৰীত চলি আছে।চেন্নাই নগৰ নিগমৰ বিষয়াসকলৰ মতে, এই মাহত মুঠ ১২৪২টা কুকুৰ ধৰা পৰিছে, আৰু ১০০৭টা কুকুৰৰ জন্ম নিয়ন্ত্ৰণ অস্ত্ৰোপচাৰ কৰা হৈছে।
Continue Reading
