ছেনিটাৰী নেপকিনত লুকুৱাই আনিছিল ড্ৰাগছ! পিছে সাৰি নগ’ল এই সুন্দৰী

ডিজিটেল ডেস্কঃ ড্ৰাগছৰ গোচৰত ইজনৰ পাছত সিজন বলীউডৰ তাৰকা নাৰ্ক’টিক্স কণ্ট্ৰ’ল ব্যুৰোৰ জালত পৰাৰ পাছত শনিবাৰে জালত পৰিল বলীউডৰ বাদশ্বাহ শ্বাহৰুখ খানৰ পুত্ৰ আৰিয়ান খান৷ কৰ্ডেলিয়া নামৰ বিলাসী ক্ৰুজখনত চলি থকা এটা পাৰ্টীৰ পৰা অন্য ১০জন লোকৰ সৈতে শ্বাহৰুখৰ পুত্ৰক আটক কৰে এনচিবিয়ে৷

গ্ৰেপ্তাৰ হোৱাসকলৰ ভিতৰত বিশেষকৈ চৰ্চা লাভ কৰিলে আৰিয়ানে কাৰণ তেওঁ শ্বাহৰুখ খানৰ পুত্ৰ৷ আৰিয়ানৰ পিছতে চৰ্চা লাভ কৰিছে ২৩ বছৰীয়া এগৰাকী সুন্দৰী যুৱতীয়ে। যুৱতীগৰাকীৰ নাম নূপুৰ ছাৰিকা৷ নূপুৰে চালাকি খটুৱাই বিলাসী ক্ৰুজখনত পাৰ্টি কৰিবলৈ ছেনিটাৰী নেপকিনত ভৰাই লৈ গৈছিল ড্ৰাগছ।

ছেনিটাৰী নেপকিনত ড্ৰাগছ ভৰাই জাহাজত প্ৰৱেশ কৰিছিল নূপুৰে। পিছে কপাল বেয়া আছিল সুন্দৰী যুৱতীগৰাকীৰ৷ ইমানখিনি বুদ্ধি প্ৰয়োগ কৰিও তেওঁ সাৰি নগ’ল এনচিবিৰ তীক্ষ্ণ নজৰৰ পৰা৷ আৰিয়ান খানৰ লগতে তেওঁক একেলগে গ্ৰেপ্তাৰ কৰা হয়৷ পেছাত নূপুৰ এগৰাকী প্ৰাথমিক বিদ্যালয়ৰ শিক্ষয়িত্ৰী। শিক্ষয়িত্ৰীৰ এই কুকাণ্ডই সকলোৰে চকু কপালত তুলিছে৷