ছিকিমত ছানী লিয়নী, হাড় কঁপোৱা জাৰত প্ৰশান্তিৰ চহৰত কি কৰিছে ছানী-ডেনিয়েলে?

ডিজিটেল ডেস্কঃ ছিকিমত ছানী লিয়নী । প্ৰশান্তিৰ চহৰত বিপুল আদৰণি পৰ্ণ তাৰকা ছানী লিয়নীক। পৰ্যটন বিভাগৰ বিষয়া সুষমা প্ৰধানে ছিকিমৰ ৰংপোত ছানী লিয়নী আৰু তেওঁৰ স্বামী তথা অভিনেতা ডেনিয়েলক সম্বৰ্ধনা জনায়। সামাজিক মাধ্যমত প্ৰকাশ পোৱা ছবিসমূহত মুখত কলা মাক্স আৰু গাত কলা পোছাক পৰিহিত দম্পতীয়ে থিয় দি থকা দেখিবলৈ পোৱা গৈছে। দুয়োৰে আগমনত আনন্দিত ছিকিমবাসী। ছিকিমত সুষমাই তেওঁলোকক জনাইছে আন্তৰিক শুভেচ্ছা।প্ৰচলিত প্ৰথা অনুসৰি, দুয়োকে হালধীয়া ৰঙৰ স্ক্ৰাফ আৰু ছিকিমৰ তথ্য সম্বলিত দুখন কিতাপ প্ৰদান কৰে সুষমাই।

উল্লেখ্য যে, শনিবাৰে পুৱা বাগডোগ্ৰা বিমানবন্দৰত ভৰি দিয়াৰ পাছতে ছানী আৰু ডেনিয়েলৰ ভ্ৰমণক লৈ আৰম্ভ হৈছিল অন্তহীন জল্পনা-কল্পনাৰ। তেওঁলোক ক'লৈ গৈ আছে, তেওঁলোকে বংগৰ মাটিত কিয় ভৰি থৈছে আদি প্ৰশ্নৰ উত্তৰ বিচাৰি সাংবাদিকে কৰিছিল প্ৰশ্ন।পৰৱৰ্তী সময়ত জানিবলৈ পোৱা মতে, গেংটকৰ এখন কেছিনোৰ বৰ্ষপূৰ্তী উপলক্ষে নিমন্ত্ৰি্ত হৈছে ছানী লিয়নী। অনুষ্ঠানটোত অংশগ্ৰহণৰ লক্ষ্যৰেই ছানি-ডেনিয়েল বাগডোগ্ৰাৰ পৰা ছিকিমৰ ৰাজধানীত উপস্থিত হৈছিল। অৱশ্যে, ছিকিমৰ পৰ্যটন বিভাগে দাবী কৰিছে যে, ছানী আৰু তেওঁৰ স্বামী ডেনিয়েলে কেৱল ভ্ৰমণৰ উদ্দেশ্যে ছিকিমলৈ গৈছে।