ডিজিটেল ডেস্কঃ আজৱ পৃথিৱীত কিমান যে কি ঘটনা ঘটি থাকে। শেহতীয়াকৈ এজন ভাৰতীয় যুৱকৰ বিয়াৰ ছবিয়ে নেটিজেনৰ মাজত তুমুল প্ৰতিক্ৰিয়াৰ সৃষ্টি কৰিছে।ছবি খনত দেখা পোৱা যুৱক জনৰ নাম-ঠিকনা সঠিক ভাবে প্ৰকাশ কৰা হোৱা নাই যদিও কেৱল ছবি খনৰ বাবেই এতিয়া যুৱক জনক বহুতে তিৰস্কাৰ কৰা দেখা গৈছে।
পোহনীয়া কুকুৰটোক গৰাকীয়ে ভালপায়েই, সেইবুলি কুকুৰটোকে জীৱনসংগী কৰি ল’ব! সেয়া আকৌ কেনে কথা বুলিও বহুতে প্ৰশ্ন কৰা দেখা গৈছে। ছ'চিয়েল মিডিয়াত ভাইৰেল হোৱা ছবি খনত দেখা গৈছে যে এজন যুৱকে দৰাৰ সাজত বিয়া পাতিবলৈ মণ্ডপত বহি আছে।
যুৱক জনৰ পৰিধানত আছে হালধীয়া পাঞ্জাৱী, ডিঙিত মালা , মূৰত মুকুট। দৰাৰ কাষতে বহি আছে কইনাও। কিন্তু কইনা মানুহৰ সলনি এটি কুকুৰহে। ঠিক কইনাৰ দৰেই বহি থকা কুকুৰটোৰ ডিঙিত মালা, ৰঙা শাৰী, কপালত ৰঙা ফোট জিলিকি আছে।
ভাইৰেল হোৱা এখন ছবিত দৰাৰ বেশত থকা যুৱকজনে 'কইনা'ৰ গালত চুমা খাই থকাও দেখা গৈছে। যুৱকজনে পোহনীয়া কুকুৰটোক বিয়া কৰাইছে পৰিয়ালৰ উপস্থিতিতে! বিয়াৰ স্থান হয়তো উত্তৰ ভাৰতৰে কোনো ৰাজ্যৰ হ’ব। স্থান যিয়েই নহওঁক, এই আচৰিত ধৰণৰ বিয়া খনে পিছে ছ’চিয়েল মিডিয়াত সমালোচনাৰ ধুমুহা বোৱাইছে।
সকলোৱে যুৱকজনৰ মানসিকতাক গৰিহণা দিছে। বহু নেটিজেনে লিখিছে " বিয়াতো কৰালাই, এতিয়া মধুচন্দ্রিমাৰ বাবে দিঘালৈ যোৱা", কোনোবাই লিখিছিল, "মাকে এই ল’ৰাজনক হয়তো কুকুৰ বুলি কৈছিল, সেয়ে পুত্ৰই কুকুৰেই বিয়া পাতিলে" উল্লেখ্য ঝাৰখণ্ডতো কিছুদিন পূৰ্বে এগৰাকী যুৱতীৰ সৈতে এটা কুকুৰৰ বিয়া পাতি দিয়া হৈছিল।
সেই ফটোখনো নিমিষতে ভাইৰেল হৈ পৰিছিল। অৱশ্যে, পিছত জনা গৈছিল যে গ্ৰহ দোষ দূৰ কৰিবলৈয়েই এনেদৰে যুৱতীগৰাকীক কুকুৰৰ সৈতে বিয়া পাতি দিয়া হৈছিল।শেহতীয়া বিয়া খনো হয়তো তেনে অন্ধবিশ্বাসৰে ফল হ’ব পাৰে।
Continue Reading
