ছুইমিং পুলত মহিলা কনিষ্টবলৰে কি কৰি আছিল ডিএছপি ছাৰে? আৰক্ষী বাহিনীৰ কটা গ’ল নাক

ডিজিটেল ডেস্কঃ ছুইমিং পুলত এগৰাকী আৰক্ষীৰ শীৰ্ষ বিষয়া। ডিএছপি ছাৰ।লগত এগৰাকী মহিলা কনিষ্টবল। পিছে কি কৰি আছিল তেওঁলোকে? তেওঁলোকৰ কাণ্ড পোহৰলৈ অহাৰ পাছত নাকত ৰুমাল ল’বলগীয়া হৈছে সমগ্ৰ আৰক্ষী বাহিনী আৰু আনকি স্বয়ং মুখ্যমন্ত্ৰীয়েও। ঘটনা ৰাজস্থানৰ। ছুইমিং পুলত মহিলা কনিষ্টবলৰে অশ্লীল ভিডিঅ' বনাই চাকৰিৰ পৰা নিলম্বিত হ'ল ৰাজস্থানৰ এগৰাকী শীৰ্ষ আৰক্ষী বিষয়া। ডিএছপি হীৰালাল ছৈনী৷ তেওঁৰ লগতে চাকৰি গ’ল মহিলা কনিষ্টবলগৰাকীৰো।

ৰাজস্থানৰ আজমেৰৰ এই দুই আৰক্ষীয়ে লজ্জানত কৰিলে সমগ্ৰ আৰক্ষী বিভাগক৷ এই ভিডিঅ' ভাইৰেল হোৱাৰ পিছতে ৰাজস্থানত তীব্ৰ প্ৰতিক্ৰিয়াৰ সৃষ্টি হয়৷ তাৰ পাছতে সমগ্ৰ বিষয়টোত হস্তক্ষেপ কৰে মুখ্যমন্ত্ৰী অশোক গেহলটে। ঘটনাৰ সবিশেষ জনাৰ পাছত আৰক্ষীৰ লোক দুজনক নিলম্বনৰ নিৰ্দেশ দিয়ে গেহলটে৷ ঘটনা অনুসৰি এটা ছুইমিং পুলত মহিলা কনিষ্টবলগৰাকী আৰু ডিএছপি হীৰালালে জলকেলি কৰি আছিল৷ ছুইমিং পুলত দুয়োকে আপত্তিজনক অৱস্থাত দেখা গৈছিল৷

আচৰিত কথাটো হ'ল মহিলা কনিষ্টবলগৰাকীৰ ৬ বছৰীয়া পুত্ৰও ছুইমিং পুলৰ পাৰত উপস্থিত আছিল আৰু নিজৰ সন্তানৰ সমুখতে সকলো পাহৰি পৰপুৰুষৰ সৈতে তেওঁ অশালীন কৰ্মত লিপ্ত হৈছিল৷ ঘটনা অনুসৰি মহিলা কনিষ্টবলগৰাকীৰ জন্মদিন উদযাপন কৰিবলৈ দুয়ো গৈছিল আজমেৰৰ পুস্কৰৰ ৰিজ'ৰ্ট এখনলৈ৷ লগত গৈছিল মহিলা কনিষ্টবলগৰাকীৰ ৬ বছৰীয়া শিশু পুত্ৰ৷ তাতে দুই আৰক্ষীয়ে সংঘটিত কৰে এই কুকাৰ্য৷ এই লজ্জাজনক কাণ্ডৰ বিৰুদ্ধে সমগ্ৰ ৰাজস্থানতে সমালোচনা আৰু তীব্ৰ প্ৰতিক্ৰিয়া হোৱাৰ পিছত ৰাজস্থান আৰক্ষীয়ে দুয়োকে বিভিন্ন ধাৰাত গ্ৰেপ্তাৰ কৰাৰ লগতে তৎকাল নিলম্বন কৰে৷ এই ঘটনা ছেপ্তেম্বৰ মাহৰ যদিও বিভিন্ন আইনী প্ৰক্ৰিয়াৰ মাজেৰে এতিয়াহে লোৱা হ'ল শাস্তিমূলক ব্যৱস্থা।