ডিজিটেল ডেস্ক : মন্ত্ৰীৰ কনভয়ৰ গাড়ীৰে উত্তৰ প্ৰদেশত কিদৰে মহটিয়াই নিছিল কৃষকক!
ভাইৰেল ভিডিঅ’ক লৈ দেশজুৰি চাঞ্চল্য। প্ৰতিবাদেৰে পথ অৱৰোধ কৰি ৰখা কৃষকৰ দেহৰ ওপৰেৰে চলিছিল কেন্দ্ৰীয় মন্ত্ৰী অজয় মিশ্ৰৰ কনভয়ৰ গাড়ী।
অজয় মিশ্ৰৰ পুত্ৰ আশীষ মিশ্ৰ সেই গাড়ীত আছিল বুলি অভিযোগ উঠিছে। চাৰিজনকৈ কৃষকৰ মৃত্যু হৈছিল এই ঘটনাত। ৰাজ্যখনৰ লখিমপুৰ খেৰীত সংঘটিত এই অঘটনে দেশ ৰাজনীতি উত্তাল কৰি তুলিছে।
কংগ্ৰেছ নেত্ৰী প্ৰিয়ংকা গান্ধী, আন বিৰোধী দলৰ নেতাৰ লগতে বিজেপি নেতায়ো শ্বেয়াৰ কৰিছে এই চাঞ্চল্যকৰ ভিডিঅ’। ইতিমধ্যে আশীষ মিশ্ৰৰ বিৰুদ্ধে ৰুজু কৰা হৈছে হত্যাৰ গোচৰ। প্ৰিয়ংকা গান্ধীয়ে এই ভিডিঅ’ প্ৰচাৰ কৰি গাড়ীৰ গৰাকী আৰু আৰোহীক ততকালে গ্ৰেপ্তাৰৰ দাবী তুলিছে।
Continue Reading
