ডিজিটেল ডেস্ক: পশ্চিম বংগত শেহতীয়াকৈ ইডি, চিবিআইৰ ধাৰাবাহিক অভিযানে মমতা বেনাৰ্জী আৰু তৃণমূল কংগ্ৰেছক বিব্ৰত কৰি তোলা পৰিলক্ষিত হৈছিল৷ পিছে, পশ্চিম বংগত চলা ইডি আৰু চিবিআইৰ অভিযানক লৈ সন্দেহ প্ৰকাশ কৰিছে স্বয়ং বিজেপি নেতাই৷
বিজেপি নেতা দিলীপ ঘোষে কয়, কিছুমান চিবিআইৰ বিষয়াৰ বংগৰ শাসনাধিষ্ঠ তৃণমূল কংগ্ৰেছৰ সৈতে এক বুজাবুজি আছিল, সেয়েহে ৰাজ্যখনৰ দুৰ্নীতিৰ তদন্ত কৰিবলৈ প্ৰৱৰ্তন সঞ্চালকালয়কহে প্ৰেৰণ কৰা হৈছিল৷
কলকাতাত এক অনুষ্ঠানত ভাষণ প্ৰদান কৰি দিলীপ ঘোষে কয় যে চিবিআইৰ কিছুমান বিষয়া আৰু মুখ্যমন্ত্ৰী মমতা বেনাৰ্জীৰ দলৰ মাজত হোৱা বুজাবুজিৰ বাবেই কয়লা কেলেংকাৰী, গৰুৰ চোৰাং ব্যৱসায়ৰ গোচৰ আৰু বিদ্যালয়ৰ চাকৰি কেলেংকাৰিৰ তদন্ত প্ৰক্ৰিয়া আগবঢ়া নাই।
‘বিভাজনৰ ভয়াৱহতা’ সন্দৰ্ভত অনুষ্ঠিত এক আলোচনাচক্ৰত লোকসভাৰ সাংসদগৰাকীয়ে কয়, পশ্চিম বংগৰ চিবিআই বিষয়াসকলৰ এটা অংশ আৰু তৃণমূল কংগ্ৰেছৰ মাজত হোৱা বুজাবুজিৰ বাবে সংস্থাটোৰ তদন্তৰ কোনো ফলাফল পোৱা নগ’ল৷ তেওঁৰ অভিযোগ— কিছুমান চিবিআই বিষয়া বিক্ৰী হৈ গৈছিল, কিছুমান লাখত, কিছুমান কোটিত৷
ঘোষে লগতে কয়, তেতিয়া ইডিয়ে বিত্ত মন্ত্ৰণালয়ৰ নিৰ্দেশত কাম কৰা আৰম্ভ কৰিছিল। ঔষধৰ পালি বৃদ্ধি কৰা হৈছে। ইডিয়ে দোষীক কামুৰি থাকিব। ইয়াক পোহনীয়া কুকুৰৰ দৰে নিয়ন্ত্ৰণ কৰিব নোৱাৰি, যিয়ে ইয়াক বশ কৰিবলৈ চেষ্টা কৰা লোকসকলৰ অপকৰ্মক উপেক্ষা কৰিব৷ তেওঁ লগতে দাবী কৰে যে এইকাৰণেই কেন্দ্ৰীয় গৃহ মন্ত্ৰণালয়ক প্ৰতিবেদন দিয়া চিবিআইৰ কেইজনমান বিষয়াক বংগৰ বাহিৰত বদলি কৰা হৈছিল।
বংগ বিজেপি নেতাজনৰ মতে, কেন্দ্ৰই প্ৰৱৰ্তন সঞ্চালকালয়ক বিভিন্ন গোচৰৰ তদন্ত কৰিবলৈ নিৰ্দেশ দিছিল যে সংস্থাটোৱে তৃণমূলৰ সৈতে গোপন চুক্তি কৰিছে বুলি ইংগিত দিয়াৰ পাছত। ঘোষে লগতে কৈছিল যে এইটো মমতা বেনাৰ্জীৰ শাসনৰ সমাপ্তিৰ আৰম্ভণি আছিল, য’ত তদন্তৰ গতি বৃদ্ধি পাইছিল৷
Continue Reading
