চিবিএছইৰ দশম আৰু দ্বাদশ শ্ৰেণীৰ শিক্ষাৰ্থীৰ বাবে গুৰুত্বপূৰ্ণ জাননী

ডিজিটেল ডেস্ক: কেন্দ্ৰীয় মাধ্যমিক শিক্ষা পৰিষদে (চিবিএছই) অফিচিয়েল ৱেবছাইটযোগে দশম আৰু দ্বাদশ শ্ৰেণীৰ টাৰ্ম ১ পৰীক্ষাৰ ফলাফলৰ ঘোষণা কৰা নাই৷ অৱশ্যে চিবিএছইয়ে অফিচিয়েল টুইটাৰত দশম আৰু দ্বাদশ শ্ৰেণীৰ টাৰ্ম ২ পৰীক্ষাৰ ওপৰত এক গুৰুত্বপূৰ্ণ জাননী প্ৰকাশ কৰিছিল। বিগত কেইদিনমানৰ পৰা ছ’চিয়েল মিডিয়াৰ জৰিয়তে টাৰ্ম ২ ব’ৰ্ড পৰীক্ষাৰ দিন সন্দৰ্ভত এখন ভুৱা জাননী প্ৰচাৰ কৰা হৈছিল। এই ভুৱা জাননীখনৰ সন্দৰ্ভত ব’ৰ্ডে স্পষ্টীকৰণ জাৰি কৰিছে টুইটযোগে৷ লগতে ব’ৰ্ডে বহুবাৰ শিক্ষাৰ্থীসকলক ভুৱা জাননীক বিশ্বাস নকৰিবলৈ পৰামৰ্শ আহবঢ়ায়। প্ৰামাণিক তথ্যৰ বাবে, দশম আৰু দ্বাদশ শ্ৰেণীৰ শিক্ষাৰ্থীয়ে চিবিএছইৰ অফিচিয়েল ৱেবছাইট চাব লাগে। https://twitter.com/cbseindia29/status/1488552398033461252?s=20&t=4PlVGrfePZXY_1pXMnkRrQ চিবিএছইৰ দ্বাৰা এই জাননী প্ৰকাশ কৰাৰ লগে লগে, শিক্ষাৰ্থীসকলে তেওঁলোকৰ টাৰ্ম ১ৰ ফলাফল কেতিয়া প্ৰকাশ কৰা হ’ব তাক লৈ প্ৰশ্ন উত্থাপন কৰে৷ লগতে, টাৰ্ম ২ ব’ৰ্ড পৰীক্ষাৰ কোনো আপডেট নথকাৰ বাবে পৰৱৰ্তী ব’ৰ্ড পৰীক্ষাৰ বিষয়ে উদ্বিগ্ন হৈ পৰিছে। চিবিএছই বোৰ্ডৰ শিক্ষাৰ্থীসকলক টাৰ্ম ১ ফলাফল বা টাৰ্ম ২ ব’ৰ্ড পৰীক্ষাৰ সময়সূচীৰ যিকোনো বিৱৰণৰ বাবে অফিচিয়েল ৱেবছাইট পৰীক্ষা কৰিবলৈ পৰামৰ্শ দিছে।