ডিজিটেল ডেস্কঃ চিবিএছইৰ দ্বাদশ শ্ৰেণীৰ ফলাফল আজি ঘোষণা কৰা হৈছে। এই পৰীক্ষাত সৰ্বভাৰতীয় ভিত্তিত উত্তীৰ্ণৰ শতাংশ হাৰ হৈছে ৯২.৭১ । ফলাফল results.cbse.nic.in আৰু cbse.gov.in ৱেবছাইটত উপলব্ধ হৈছে। শিক্ষাৰ্থীসকলে এই দুটা ৱেবছাইটত তেওঁলোকৰ ফলাফল চাব পাৰিব। ইয়াৰ উপৰি digilocker.gov.in ৱেবছাইটতো লগ ইন কৰি পৰীক্ষাৰ ফলাফলো জানিব পৰা যাব।
এই বছৰৰ চিবিএছই টাৰ্ম ১ আৰু টাৰ্ম ২ পৰীক্ষাত মুঠ প্ৰাৰ্থীৰ সংখ্যা আছিল ১৬ লাখ। টাৰ্ম 2 পৰীক্ষা অফলাইনত অনুষ্ঠিত হৈছিল। এই পৰীক্ষা ২৬ এপ্ৰিলৰ পৰা ১৫ জুনলৈ অনুষ্ঠিত হৈছিল। জানিব পৰা মতে চিবিএছই দশম শ্ৰেণীৰ ফলাফলো শুক্ৰবাৰে দুপৰীয়া ২ বজাৰ ভিতৰত প্ৰকাশ কৰা হ'ব পাৰে।
ডিজিলকাৰত পৰীক্ষাৰ ফলাফল কেনেদৰে চাব পাৰিব
প্ৰথমে, digilocker.gov.in ৱেবছাইটলৈ যাওক।
হোম পৃষ্ঠাত লগ ইনত ক্লিক কৰক।
ব্যৱহাৰকাৰীৰ নামৰ ঠাইত ৰোল নম্বৰ সন্নিষ্ট কৰক। আৰু পিনটো পাছৱৰ্ড হিচাপে ব্যৱহাৰ কৰক। চিবিএছইয়ে পিনবোৰ বিদ্যালয়সমূহৰ সৈতে শ্বেয়াৰ কৰিছে। তাৰ পিছত, মাৰ্কশ্বীটখন স্ক্ৰীণত ওলাই পৰিব।
তাৰ পৰাই মাৰ্কশ্বীট খন ডাউনলোড কৰিব পৰা যাব।
চৰকাৰী ৱেবছাইট cbse.gov.inত কেনেকৈ চাব পাৰিব ফলাফল
cbse.gov.in ৱেবছাইটত ক্লিক নকৰাকৈ পোনপটীয়াকৈ results.cbse.nic.inলৈ যাব পাৰে।
সেই পৃষ্ঠাত, ছিনিয়ৰ স্কুল চাৰ্টিফিকেট পৰীক্ষা (দ্বাদশ শ্ৰেণী) ২০২২ দেখুওৱা হৈছে। তাত ক্লিক কৰক।
তাৰ পিছত এটা নতুন উইণ্ডো খুলিব।
তাত ৰোল নম্বৰ, স্কুলৰ কোড, জন্মৰ তাৰিখ আদি অন্তৰ্ভূক্ত কৰক।
তাৰ পিছত মাৰ্কশ্বীটখন স্ক্ৰীণত ওলাব। তাৰ পৰাই মাৰ্কশ্বীট ডাউনলোড কৰিব পাৰিব।
Continue Reading
