চিৰনিদ্ৰাত শুই পৰিল 'এক টকাৰ ডাক্তৰ'! প্ৰধানমন্ত্ৰী মোদীৰ গভীৰ শোক প্ৰকাশ

চিকিৎসা বিজ্ঞানৰ ক্ষেত্ৰত আগবঢ়োৱা উল্লেখযোগ্য অৱদানৰ বাবে ২০২০ বৰ্ষত তেওঁক পদ্মশ্ৰী সন্মানেৰে সন্মানিত কৰা হৈছিল। সেই বছৰতে সৰ্বাধিক ৰোগীৰ চিকিৎসাৰ বাবে তেওঁৰ নাম গিনিজ বুক অৱ ৱৰ্ল্ড ৰেকৰ্ডত লিপিবদ্ধ কৰা হৈছিল। বলপুৰ আসনৰ পৰা তেওঁ প্ৰাক্তন বিধায়ক আছিল। ১৯৮৪ চনৰ নিৰ্বাচনত কংগ্ৰেছৰ টিকটত প্ৰতিদ্বন্দ্বিতা কৰিছিল। তেওঁ তৃণমূল কংগ্ৰেছৰ সদস্য আৰু বীৰভূম জিলা সভাপতি আছিল যদিও পিছলৈ দল ত্যাগ কৰিছিল।

প্ৰধানমন্ত্ৰী নৰেন্দ্ৰ মোদী আৰু মুখ্যমন্ত্ৰী মমতা বেনাৰ্জীয়ে ড০ বন্দ্যোপাধ্যায়ৰ মৃত্যুত গভীৰ শোক প্ৰকাশ কৰে। প্ৰধানমন্ত্ৰী মোদীয়ে টুইট কৰি কয়, "ডাঃ সুশোভন বন্দ্যোপাধ্যায় মানৱীয় প্ৰমূল্যৰ উত্তম মনোভাৱেৰে ৰঞ্জিত আছিল। বহুতকে সুস্থ কৰি তোলা এজন দয়ালু আৰু বিশাল হৃদয়ৰ ব্যক্তি হিচাপে তেওঁক স্মৰণ কৰা হ'ব।" প্ৰধানমন্ত্ৰীয়ে লগতে লিখিছে, "পদ্ম বঁটা প্ৰদান অনুষ্ঠানত তেওঁৰ সৈতে হোৱা কথা-বতৰাৰ কথা মনত আছে। তেওঁৰ মৃত্যুত দুখী। তেওঁৰ পৰিয়াল আৰু অনুৰাগীলৈ সমবেদনা জ্ঞাপন কৰিলোঁ। ঔম শান্তি।" পশ্চিমবংগৰ মুখ্যমন্ত্ৰী মমতা বেনাৰ্জীয়ে শোক প্ৰকাশ কৰি লিখিছে, "দানশীল ডাঃ সুশোভন বন্দ্যোপাধ্যায়ৰ মৃত্যুৰ বিষয়ে জানি দুখ পাইছো।তেওঁ দানশীলতাৰ বাবে পৰিচিত আছিল। তেওঁৰ মৃত্যুত শোক প্ৰকাশ কৰাৰ লগতে পৰিয়াললৈ সমবেদনা জনালোঁ।"