‘চক দে ফট্টে ইণ্ডিয়া…’ নতুন মিছ ইউনিভাৰ্ছৰ হৰ্ষোল্লাসত তোলপাৰ ছ’চিয়েল মিডিয়া

ডিজিটেল ডেস্ক : ২১বছৰ পাছত দেশলৈ আহিল এই বিৰল স্বীকৃতি। আন এগৰাকী ভাৰতীয় সুন্দৰীয়ে জয় কৰিবলৈ সক্ষম হ’ল ‘মিছ ইউনিভাৰ্ছ ২০২১’ৰ খিতাপ। ২০০০চনত ভাৰতৰ সুন্দৰী লাৰা দত্তই এই খিতাপ জয়ৰ পাছত ২১বছৰীয়া প্ৰতীক্ষাৰ অন্ত পেলাই ভাৰতীয় সুন্দৰী হৰনাজ সান্ধুৱে পুনৰ এই খিতাপ তুলি ল’লে শিৰত। এই খিতাপ জয়ৰ পাছতে ২১বছৰীয়া সান্ধুৰ এটা ভিডিঅ’ই এতিয়া তোলপাৰ লগাইছে ছ’চিয়েল মিডিয়াত। বিজয়ৰ আনন্দ প্ৰকাশেৰে ২১বছৰীয়া সুন্দৰীগৰাকীয়ে উল্লাসেৰে চিঞৰি উঠিছিল ‘চক দে ফট্টে ইণ্ডিয়া’।

তেওঁৰ এই প্ৰতিক্ৰিয়াই তেওঁৰ সাফল্যতকৈও এতিয়া অধিক চৰ্চা লাভ কৰা দেখা দেখা গৈছে। এই ভিডিঅ’টো মিছ ইউনিভাৰ্ছৰ অফিচিয়েল টুইটাৰ হেণ্ডলৰপৰা টুইট কৰাৰ পাছতে ই ভাইৰেল হৈ পৰিছে। হাজাৰ হাজাৰ লোকে এই ভিডিঅ’ চাই আহ্লাদিত হোৱাৰ লগতে হাজাৰ হাজাৰ লোকে ৰিটুইট কৰাও দেখিবলৈ পোৱা গৈছে।

ভি়ডিঅ’টোক দেখা গৈছে এই বিৰল বিজয়ৰ আনন্দত আত্মহাৰা হৈ তেওঁ চিঞৰি উঠিছে চক দে ফট্টে ইণ্ডিয়া… তাৰ লগে লগে শুনা গৈছে তেওঁৰ আশে-পাশে থকা সুন্দৰীসকলৰ হৰ্ষোল্লাস। চণ্ডীগড়ক জীয়ৰী হাৰনাজ সান্ধুৰ কৃতিত্বই মানুহক যিমান সুখী কৰিছে সিমানেই সকলোকে আহ্লাদিত কৰি তুলিছে আনন্দ উদযাপনৰ দেশীয় ধৰণে।