ডিজিটেল ডেস্কঃ চৰকাৰৰ এটা সিদ্ধান্তই চকু কপালত তুলিছে নাগৰিকৰ। পিছে ঘটনাটো অসমৰ নহয়। অষ্ট্ৰেলিয়া চৰকাৰে গ্ৰহণ কৰিছে এক ডাঙৰ সিদ্ধান্ত। এটা দুটা নহয়, অষ্ট্ৰেলিয়াৰ প্ৰশাসনে নিৰ্বিচাৰে লাখ লাখ মৌ-মাখি মাৰি পেলোৱাৰ সিদ্ধান্ত লৈছে। মৌ খেতি ৰক্ষা কৰিবলৈকে অষ্ট্ৰেলিয়াৰ প্ৰশাসনে এই সিদ্ধান্তত উপনীত হোৱা বুলি খবৰ আহিছে।
লক্ষ্যণীয়ভাৱে, অষ্ট্ৰেলিয়াৰ দক্ষিণ-পূব অংশত বেৰ’য়া মাইটৰ প্ৰাদুৰ্ভাৱ ক্ৰমান্বয়ে বৃদ্ধি পোৱাৰ কথা প্ৰকাশ পাইছিল। বেৰ’য়া মাইট নামৰ পৰজীৱী বিধৰ আক্ৰমণৰ পৰা মৌ- উত্পাদনৰ লগতে, মৌ-উদ্যোগ ধ্বংস নহ’বলৈকে অষ্ট্ৰেলিয়াৰ প্ৰসাশনে এই কঠোৰ সিদ্ধান্ত গ্ৰহণ কৰিবলগীয়া হোৱা বুলি জানিবলৈ পোৱা গৈছে।
আশংকা অনুসৰি, বেৰ’য়া মাইট নামৰ এই পৰজীৱীয়ে মৌমাখিৰ এটা সম্পূৰ্ণ কলনী ধ্বংস কৰিব পাৰে। মৌ-খেতিৰ ভৱিষ্যত সুৰক্ষাৰ প্ৰতি লক্ষ্যৰাখি এই কাৰ্য কৰা হৈছে, নিৰ্বিচাৰে মাৰি পেলোৱা হৈছে লক্ষ্যাধিক মৌ-মাখি।
স্মৰ্তব্য যে, অষ্ট্ৰেলিয়া সমগ্ৰ বিশ্বৰ ভিতৰতে মৌ-ব্যৱসায়ৰ ক্ষেত্ৰত উল্লেখযোগ্য ৰপ্তানিকাৰী দেশ। মৌ-পালনত প্ৰতি বছৰে লাখ লাখ টকা ঘূৰাই দিয়া হয়। গতিকে পৰজীৱী প্ৰতিৰোধৰ বাবে মৌমাখি মাৰিবলৈ এইবাৰ বাধ্য হৈছে অষ্ট্ৰেলিয়া চৰকাৰ।
Continue Reading
