ডিজিটেল ডেস্কঃ ভাৰতৰ জনসংখ্যাৰ আধাতকৈও অধিক লোক গাঁৱত বাস কৰে। গাঁৱত বাস কৰা লোকসকলে জীৱিকাৰ বাবে কৃষি সম্পৰ্কীয় সকলো বৃত্তিৰ ওপৰত নিৰ্ভৰ কৰে। খেতিৰ উপৰিও, পশুপালন তেওঁলোকৰ বাবে এক শক্তিশালী উপাৰ্জন। অৱশ্যে জন্তুৰ চিকিৎসাৰ বাবে, ভাল ব্যৱস্থাৰ অভাৱৰ বাবে পশুপালকসকলে যথেষ্ট কষ্ট পায়।
মধ্যপ্ৰদেশ চৰকাৰে পশুপালকসকলৰ বাবে এটা ডাঙৰ সিদ্ধান্ত লৈছে৷ এতিয়া জন্তুৰ চিকিৎসাৰ বাবে ৰাস্তাত চলিব এম্বুলেন্স। লগতে এম্বুলেসমূহত আধুনিক সঁজুলিৰ সৈতে কৰ্মচাৰী উপস্থিত থাকিব।
কোনো পশু অসুস্থ হোৱাৰ খবৰ পালেই গৃহস্থৰ ঘৰত উপস্থিত হ'ব আৰু গৰুবোৰৰ চিকিৎসা কৰিব। ৰাজ্যিক পশুপালন বিভাগৰ প্ৰতি এক লাখ পশুধনৰ বাবে এটা ভ্ৰাম্যমাণ পশু চিকিৎসা গোট পৰিচালনা কৰা হ'ব।
মধ্য প্ৰদেশত বৰ্তমান ৪.০৬ কোটি পশুধন আছে। মুঠ ৪০৬ টা পশু চিকিৎসা গোটৰ বাবে, পশুপালন বিভাগে চৰকাৰৰ পৰা ৬৪.৯৬ কোটি টকা লাভ কৰিছে। কেন্দ্ৰীয় পশু চিকিৎসালয় আৰু ঔষধালয় স্থাপন আৰু শক্তিশালী কৰাৰ আঁচনিখনত ভাৰত চৰকাৰৰ দ্বাৰা পৰিচালিত পশু চিকিৎসা গোটো অন্তৰ্ভুক্ত আছে।
জন্তুৰ চিকিৎসাৰ বাবে এম্বুলেন্সবোৰ ৰাস্তাত চলি থকা দেখা যাব। বহুসময়ত সঠিক চিকিৎসা লাভ নকৰা বাবে ৰোগ বা দুৰ্ঘটনাত জন্তুৰ মৃত্যু হয়। কিন্তু এই সিদ্ধান্তই পৰিস্থিতি সলনি কৰিব। জন্তুবোৰে আগৰ তুলনাত উন্নত চিকিৎসা লাভ কৰিব আৰু সিহঁতক স্বাস্থ্যৱান কৰি ৰাখিব। মধ্যপ্ৰদেশ চৰকাৰৰ এই সিদ্ধান্তক সকলোৱে একমুখে শলাগিছে।
Continue Reading
