ডিজিটেল ডেস্কঃ বিদেশী ৱেব চিৰিজ 'মানি হেইষ্ট’ত দেখুওৱাৰ দৰেই সংঘটিত হ’ল এটা চুৰি কাণ্ড। এটা চোৰৰ দলে নৰ্দমাত দহ ফুট দ গাঁত খান্দি এখন জুৱেলাৰীৰ দোকানত প্ৰৱেশ কৰি ১০ লাখ টকাৰ সোণৰ গহনা লুটপাত কৰে। উত্তৰ প্ৰদেশৰ মীৰাটৰ নৌচান্দি থানা এলেকাত সংঘটিত ঘটনা। সোমবাৰে নিশা সংঘটিত হয় এই চুৰি। আনকি আৰক্ষীয়েও চোৰৰ চুৰিৰ শৈলী দেখি আচৰিত হৈছে।
আৰক্ষীৰ তথ্য অনুসৰি, সোমবাৰে গভীৰ নিশা নৌচান্দি আৰক্ষী থানা এলেকাৰ এখন গহনা দোকানৰ বাহিৰত নৰ্দমাত গাঁত খান্দি ১০ ফুট দ সুৰংগ সৃষ্টি কৰে এটা চোৰে। দোকানত সোমাবলৈ নলাৰ পাতল অংশৰ পৰা ইটা আৰু মাটি আঁতৰাই পেলোৱা হৈছিল। ইয়াৰ পিছত তেওঁলোকে দোকানত প্ৰৱেশ কৰি লুটপাত কৰে। গহনা দোকানৰ স্বত্বাধিকাৰী পীয়ুষ গাৰ্গৰ দাবী, তেওঁৰ দোকানৰ পৰা কমেও ১০ লাখ টকাৰ গহনা চুৰি হৈছে।
আৰক্ষীৰ সূত্ৰৰ পৰা জানিব পৰা মতে, মীৰাটত ইয়াৰ পূৰ্বেও এই পদ্ধতিৰে তিনিখন দোকান চুৰি হৈছে। এনেধৰণৰ চতুৰ্থটো ডকাইতি কাণ্ড এয়া। চুৰিৰ খবৰ পোহৰলৈ অহাৰ লগে লগে নগৰখনৰ গহনা ব্যৱসায়ীসকলে প্ৰতিবাদ সাব্যস্ত কৰাৰ লগতে মীৰাটৰ আইন-শৃংখলাৰ পৰিস্থিতিক লৈ প্ৰশ্ন উত্থাপন কৰে। নৌচান্দিৰ আৰক্ষী বিষয়া উপেন্দ্ৰ সিঙে কয় যে সমগ্ৰ বিষয়টোৰ ওপৰত ইতিমধ্যে তদন্ত আৰম্ভ হৈছে।
Continue Reading
