দীঘল মোচ প্ৰতিযোগিতা! ৩২ ফুট দীঘল মোচ থকা ব্যক্তিৰ জয়লাভ

ডিজিটেল ডেস্কঃ ৰাজস্থান পৰ্যটন বিভাগে লোহাগড় কিল্লাৰ সংগ্ৰহালয় চৌহদত হোলী উপলক্ষে কেইবাটাও সাংস্কৃতিক কাৰ্যসূচীৰ আয়োজন কৰে। ইয়াত কুস্তি দঙ্গল, লোক নৃত্য, দীঘল মোচ প্ৰতিযোগিতা আদি অনুষ্ঠিত কৰা হৈছিল। দীঘল মোচ প্ৰতিযোগিতাত এজন লোকে সকলোৰে দৃষ্টি আকৰ্ষণ কৰে। তেওঁৰ নাম জগমল সিং ভাটি। জগমল সিং ভাটিক দীঘল মোচ প্ৰতিযোগিতাৰ বিজয়ী ঘোষণা কৰা হৈছিল। তেওঁৰ মোচৰ দৈৰ্ঘ্য ৩২ ফুট। পৰ্যটন বিভাগৰ এই সাংস্কৃতিক কাৰ্যসূচী চাবলৈ চহৰখনৰ ভিন্ন প্ৰান্তৰ অগণন লোক উপস্থিত হৈছিল। অনুষ্ঠানটোত ৰাজ্যিক মন্ত্ৰী ড০ সুভাষ গাৰ্গ মুখ্য অতিথি হিচাপে আছিল। এই অনুষ্ঠানসমূহৰ ভিতৰত ঐতিহাসিক জলমহলসমূহতো সাংস্কৃতিক কাৰ্যসূচীৰ আয়োজন কৰে ৰাজস্থান পৰ্যটন বিভাগে। জলমহল চৌহদত ৰঙীন ঝৰ্ণাৰ প্ৰদৰ্শন কৰা হয়। ৰঙীন ঝৰ্ণাবোৰ চাবলৈ সমগ্ৰ দেশ আৰু বিদেশৰ মানুহৰ ভিৰ কৰেহি।মহিলা শিল্পীসকলে লোক নৃত্য অনুষ্ঠানত বিভিন্ন ধৰণৰ লোক নৃত্য উপস্থাপন কৰি দৰ্শকসকলক মন্ত্ৰমুগ্ধ কৰে। আৰু পঢ়কঃ ৰানৱেৰ পৰি পিছলি পৰিল যাত্ৰীবাহী বিমান! কথমপি প্ৰাণৰক্ষা ৬০জন লোকৰ