দীপিকাৰ বাবে পাহাৰ বগাই বগাই ফুল আনিলে ৰণবীৰে! ক'লে-'গোটেই পৃথিৱীতে তুমি মোৰ দৰে প্ৰেমিক নাপাবা'

ৰণবীৰ সিং বৰ্তমান নেটফ্লিক্সৰ শ্ব’ Ranveer vs Wild with Bear Gryllsৰ শ্বুটিঙত ব্যস্ত আছে। এই শ্ব’টোত ৰণবীৰে বিশ্বখ্যাত দুঃসাহসিক ব্যক্তি বিয়াৰ গ্ৰীলছৰ সৈতে ছাৰ্বিয়াৰ জংঘলত অতি কঠিন যাত্ৰা কৰিছে। শ্ব’টোত ৰণবীৰ সিঙৰ উদ্দেশ্য আছিল তেওঁৰ পত্নী দীপিকা পাডুকনৰ বাবে ছাৰ্বিকা ৰাম'ণ্ডা ফুল সংগ্ৰহ কৰা। এই বিশেষ দুঃসাহসিক অভিযানত ৰণবীৰ সিঙে পাহাৰ পাৰ হৈ নৈত জপিয়াই, পিঁপৰা, পোক-পৰুৱা খাইছিল, লগতে কুকুৰনেচীয়া বাঘৰ পৰা খাদ্য কাঢ়ি লৈছিল। হাবিত ৰাতিটো কটাবলৈ বিয়েৰ গ্ৰীলছ আৰু ৰণবীৰ সিঙক খাদ্যৰ প্ৰয়োজন আছিল। দুদিন ভোকাতুৰ হৈ থকাৰ পিছত ৰণবীৰে দেখিলে কেইটামান কুকুৰনেচীয়া বাঘে বনৰীয়া গাহৰি খাই আছে। এনে অৱস্থাত তেওঁ কুকুৰনেচীয়া বাঘবোৰৰ পৰা খাদ্য চুৰি কৰাৰ সিদ্ধান্ত ল’লে। তেওঁৰ প্ৰিয় বন্ধু কৰণ কাপাদিয়াও আহিছিল ৰণবীৰক এই কামত সহায় কৰিবলৈ। চুৰি কৰাৰ আগতে ৰণবীৰ সিঙে কুকুৰনেচীয়াবোৰৰ সন্মুখত নৃত্য কৰি সিহঁতক অন্যমনস্ক কৰি তুলিছিল। ইয়াৰ মাজতে তেওঁৰ বন্ধু কৰণে মৰা বনৰীয়া গাহৰিটো চুৰি কৰিছিল। 

ৰণবীৰে গম পালে যে গাহৰিৰ মাংসখিনি পচি গৈছে আৰু তাত পোক লাগি আছে। সেয়েহে সেয়া খোৱাও তেওঁলোকে বাদ দিবলগীয়া হ’ল। সকলো অসুবিধাৰ সন্মুখীন হৈ এইবাৰ ৰণবীৰ সিঙে ছাৰ্বিকা ৰাম'ণ্ডা ফুল আনিবলৈ পাহাৰ পালেগৈ। ৰণবীৰে বিয়াৰ গ্ৰীলছৰ সৈতে সেই পাহাৰটো বগাইছিল। পাহাৰ বগাই থাকোতে তেওঁৰ চকুপানীও ওলাই আহিছিল। ৰণবীৰে সেই সময়ত ‘জয় বজৰং বলী’ বুলি চিঞৰিছিল। ৰণবীৰ সিঙে কয় যে তেওঁ হাৰ নামানে আৰু দীপিকাৰ বাবে এই কাম কৰি যাব। পাহাৰৰ উচ্চতাত উপনীত হোৱাৰ পিছতো বহুত কান্দিছিল ৰণবীৰ সিঙে। আৱেগিক হৈ ৰণবীৰে অনুৰাগীসকলক ধন্যবাদ জ্ঞাপন কৰি দীপিকা পাডুকনক মেছেজ দি ক’লে–‘‘বেবী, মই তোমাক কৈছিলো ন গোটেই পৃথিৱীত বিচাৰি চোৱা, তুমি মোৰ দৰে প্ৰেমিক নাপাবা।’’ সম্প্ৰতি দীপিকাৰ প্ৰতি থকা ৰণবীৰৰ প্ৰেমে বিশেষভাৱে চৰ্চা লাভ কৰিছে।