ডিজিটেল ডেস্কঃ এইবাৰ প্ৰেক্ষাপটত বলীউড অভিনেত্ৰী দীপিকা পাডুকন৷শেহতীয়াকৈ দীপিকা পাডুকন আৰু ৰণবীৰ সিঙে বিবাহৰ পঞ্চম বাৰ্ষিকী উদ্যাপন কৰিছে। ১৪ নৱেম্বৰত তেওঁলোকৰ বিবাহৰ পাঁচ বছৰ সম্পূৰ্ণ হয় আৰু দম্পতীহালে বেলজিয়ামত বিবাহ বাৰ্ষিকী উদ্যাপন কৰে। এতিয়া দীপিকা পাডুকনৰ এটা বক্তব্য ওলাইছে য’ত তেওঁ নিজৰ অতীতৰ সম্পৰ্কক লৈ ট্ৰ’ল হোৱাৰ বাবে নিজৰ মৌনতা ভংগ কৰিছে। কাৰো সন্মুখত ভুল স্বীকাৰ কৰিবলৈ ভয় নকৰো বুলি অভিনেত্ৰীগৰাকীয়ে প্ৰকাশ কৰিছে।
শেহতীয়াকৈ দীপিকা পাডুকনে বিশ্ববিশ্ৰুত ব্ৰেণ্ড ভৌগৰ বাবে ফটোশ্বুট কৰিছিল। ভৌগে দিয়া এক সাক্ষাৎকাৰত দীপিকাই কৰণ জোহাৰৰ সৈতে হোৱা কথোপকথনত ব্যক্তিগত সম্পৰ্ক প্ৰকাশ পোৱাৰ পাছত ট্ৰ’ল হোৱাৰ প্ৰতিক্ৰিয়া প্ৰকাশ কৰে। দীপিকাই কয় যে- ''মই ক্ষমা খুজিবলৈ ভয় নকৰো৷'' উল্লেখ্য যে দীপিকা পাডুকন আৰু ৰণবীৰ সিঙে কফি উইথ কৰণৰ প্ৰথম খণ্ডত অংশগ্ৰহণ কৰিছিল। এই সময়ত অভিনেত্ৰীগৰাকীয়ে মুকলি সম্পৰ্কৰ কথা কৈছিল৷দীপিকা আৰু ৰণবীৰ ইজনে সিজনৰ প্ৰতি দায়বদ্ধ আছিল যদিও তেতিয়াও আন কাৰোবাক লগ কৰিবলৈ স্বাধীন আছিল বুলি দীপিকাই উল্লেখ কৰিছিল। এই বক্তব্য সন্দৰ্ভত ছ’চিয়েল মিডিয়াত দীপিকাক বহুত ট্ৰ’ল কৰা হৈছিল, যাৰ ওপৰত তেওঁ নিজৰ মতামত দিছে।
Continue Reading
