ডিজিটেল ডেস্কঃ ইংলেণ্ডৰ প্ৰধানমন্ত্ৰীৰ আৱাসতো উদ্যাপন কৰা হ’ল দীপাৱলী৷ ব্ৰিটেইনৰ প্ৰধানমন্ত্ৰী ঋষি সুনক আৰু তেওঁৰ পত্নী অক্ষতা মূৰ্তিয়ে লণ্ডনৰ ১০ ডাউনিং ষ্ট্ৰীটত কন্যা কৃষ্ণা আৰু অনুষ্কাৰ সৈতে দীপাৱলী উদ্যাপন কৰে।
ঋষি সুনকে ইনষ্টাগ্ৰামত অন্তৰংগ উদ্যাপনৰ স্নেপ শ্বেয়াৰ কৰে।সুনক পৰিয়ালে নিজৰ বাসগৃহত চাকি জ্বলাই থকা দেখা গৈছে। দীপাৱলীৰ দিনা পুনৰবাৰ নিজৰ চিন্তাশীল পছন্দৰ দ্বাৰা ফেশ্বন জগতত ঢৌ তুলিছে অক্ষতা মূৰ্তিয়ে। ভাৰতীয় পৰম্পৰাক ধৰি ৰাখি অক্ষতা মূৰ্তিয়ে দীপাৱলীৰ বাবে শাৰী পিন্ধিছিল।
অক্ষতা মূৰ্তিয়ে সৰল অথচ আকৰ্ষণীয় ৰয়েল ব্লু ৰঙৰ শাৰী বাছি লৈছিল, আৰু ইয়াক মেচিং ব্লাউজৰ সৈতে পৰিধান কৰিছিল। ঋষি সুনক আৰু অক্ষতা মূৰ্তিৰ দুগৰাকীয়েও ঘৰতে দীপাৱলী উদযাপনৰ বাবে পৰম্পৰাগত সাজ-পোছাক পৰিধান কৰিছিল।
গত সপ্তাহত প্ৰি-দীপাৱলী উপলক্ষে অক্ষতাই বাছি লৈছিল ৰঙা আৰু সোণালী ব্ৰকেডৰ এটা কুৰ্তা, যিটো ভাৰতীয় পৰম্পৰাগত বস্ত্ৰশিল্প আৰু কাৰুকাৰ্যৰ সমসাময়িক ৰূপৰ বাবে পৰিচিত ভাৰতীয় বিখ্যাত ফেশ্বন লেবেল ৰ’ মেংগোৰ চেট।
Continue Reading
