ডিজিটেল ডেস্কঃ সোমবাৰে মন্ত্ৰীসভাত বৃহৎ সালসলনি কৰিলে ব্ৰিটিছ প্ৰধানমন্ত্ৰী ঋষি সুনকে। সুনকে প্ৰাক্তন প্ৰধানমন্ত্ৰী ডেভিদ কেমেৰনক ব্ৰিটেইনৰ নতুন বৈদেশিক মন্ত্ৰী হিচাপে নিযুক্তি দিয়ে। ইয়াৰ লগতে ভাৰতীয় মূলৰ গৃহমন্ত্ৰী ছুৱেলা ব্ৰেভাৰমেনক সুনকে বৰ্খাস্ত কৰে। ছুৱেলাৰ ঠাইত জেমছ ক্লিভাৰলীক কমাণ্ড দিয়া হৈছে। ইয়াৰ আগতে ক্লিভাৰলে আছিল বৈদেশিক মন্ত্ৰী।
বৈদেশিক মন্ত্ৰী হিচাপে নিযুক্তি পোৱাৰ সন্দৰ্ভত কেমেৰনে কয় যে প্ৰধানমন্ত্ৰীয়ে মোক তেওঁৰ বৈদেশিক মন্ত্ৰী হিচাপে কাম কৰিবলৈ কৈছে আৰু মই মানি লৈছো। ইউক্ৰেইনৰ যুদ্ধ আৰু মধ্যপ্ৰাচ্যৰ সংকটকে ধৰি আন্তঃৰাষ্ট্ৰীয় প্ৰত্যাহ্বানৰ সন্মুখীন হ’বলগীয়া হৈছে বুলিও কেমেৰনে মন্তব্য কৰে।তেওঁ কয় যে যোৱা সাত বছৰ ধৰি মই ৰাজনীতিৰ বাহিৰত আছো, মই আশা কৰিছো যে ১১ বছৰ ধৰি কনজাৰ্ভেটিভ নেতা আৰু ছবছৰ প্ৰধানমন্ত্ৰী হিচাপে মোৰ অভিজ্ঞতাই প্ৰধানমন্ত্ৰীক গুৰুত্বপূৰ্ণ প্ৰত্যাহ্বানৰ সন্মুখীন হোৱাত সহায় কৰিব।
উল্লেখ্য যে ২০১০ চনৰ পৰা ২০১৬ চনলৈকে কেমেৰন ব্ৰিটেইনৰ প্ৰধানমন্ত্ৰী আছিল। ব্রেক্সিট সন্দর্ভত গণভোটৰ পাছত তেওঁ প্রধানমন্ত্রী পদৰ পৰা পদত্যাগ কৰে৷ দৰাচলতে এই গণভোটত বেছিভাগ মানুহেই ইউৰোপীয় সংঘৰ পৰা ব্ৰিটেইন পৃথক হোৱাৰ সপক্ষে ভোটদান কৰিছিল।
Continue Reading
