দিল্লীত বছৰটোৰ ভিতৰতে সবাতোকৈ শোচনীয় বায়ুৰ মান সূচকাংক

ডিজিটেল ডেস্কঃ চলিত বৰ্ষৰ ভিতৰত মঙলবাৰে প্রথমবাৰৰ বাবে দিল্লী আৰু ৰাষ্ট্ৰীয় ৰাজধানী অঞ্চলত (এন চি আৰ) বায়ুৰ মান সবাতোকৈ শোচনীয় স্তৰলৈ আহিছে। বায়ুৰ মান ব্যৱস্থাপনা আয়োগে দিল্লী এন চি আৰত 'গ্রেডেড্ ৰেছপন্স একশ্যন প্লেন'ৰ (জি আৰ এ পি) ঔৰ-৩ আৰোপ কৰিছে।

মহানগৰখনত গড় বায়ুৰ মান সূচকাংক (এ কিউ আই) ৪২৫ পোৱাৰ পৰিপ্ৰেক্ষিতত এই সিদ্ধান্ত লোৱা হৈছে। প্রদূষণ নিয়ন্ত্ৰণ ব'ৰ্ডৰ পৰিসংখ্যা অনুসৰি, আনন্দ বিহাৰত এ কিউ আই ৪১২, আলিপুৰত ৪৪২, বায়নাত এ কিউ আই সর্বাধিক ৪৬২ হয়। চান্দনী চকত ৪১৬, আৰ কে পুৰম আৰু পটপৰগঞ্জত ক্রমে এ কিউ আই ৪৪৬, ৪৩৮ হয়।

আনহাতে, এটা স্তৰযুক্ত পদ্ধতিৰে দিল্লী এন চি আৰত বায়ু প্ৰদূষণৰ সৈতে মোকাবিলা কৰিবলৈ 'গ্রেডেড্ বেছপন্স একশ্যন প্লেন' (জি আৰ এ পি) প্রস্তুত কৰা হয়। বায়ুৰ মানৰ ওপৰত ভিত্তি কৰি এই একশ্যন প্লেন প্রস্তুত কৰা হয়।

আনহাতে, দিল্লী-এন চি আৰত বায়ুৰ মান অতি শোচনীয় হোৱাৰ পাছত দিল্লী চৰকাৰে শিক্ষার্থীৰ বাবে হাইব্রীড পদ্ধতিত (শাৰীৰিক উপস্থিতি-অনলাইন ক্লাছ, দুয়োটাই) পাঠদানৰ নিৰ্দেশ দিছে বিদ্যালয়সমূহক) বায়ু প্রদূষণ বৃদ্ধি হোৱাৰ বাবে পঞ্চম শ্রেণী পর্যন্ত শিক্ষার্থীৰ বাবে হাইব্রীড পদ্ধতিত পাঠদানৰ নির্দেশ দিছে দিল্লী চৰকাৰে।

উৎসঃ দৈনিক জনমভূমি