ডিজিটেল ডেস্কঃ জিন্দাল গ্ৰুপৰ অধ্যক্ষ সাবিত্ৰী জিন্দল দেশৰ চতুৰ্থ ধনী ব্যক্তিত পৰিণত। ইয়াৰ উপৰিও তেওঁ দেশৰ আটাইতকৈ ধনী মহিলাও। সাবিত্ৰী জিন্দালে হাৰিয়ানাৰ হিছাৰত বাস কৰে। তেওঁ স্বৰ্গীয় অ পি জিন্দালৰ পত্নী। তেওঁৰ পুত্ৰ নবীন জিন্দাল কুৰুক্ষেত্ৰৰ বিজেপি সাংসদ।
ফৰ্চুন ইণ্ডিয়াত জিন্দাল গ্ৰুপৰ অধ্যক্ষ সাবিত্ৰী জিন্দাল শীৰ্ষ দহৰ তালিকাত চতুৰ্থ স্থানত অন্তৰ্ভুক্ত একমাত্ৰ মহিলা। ফৰ্চুন ইণ্ডিয়াই প্ৰকাশ কৰিছে যে দেশৰ আটাইতকৈ ধনী লোকৰ তালিকাৰ চতুৰ্থ স্থান দখল কৰা ৭৪ বছৰীয়া সাবিত্ৰী দেৱী জিন্দাল প্ৰায় ২.৭৭ লাখ কোটি টকাৰ মালিক।
হিছাৰ বিধানসভা আসনৰ পৰা বিজেপিৰ টিকটৰ প্ৰতিদ্বন্দ্বী সাবিত্ৰী জিন্দাল। কংগ্ৰেছত থকাৰ সময়তে তেওঁ ইয়াৰ পৰাই বিধায়িকা আৰু মন্ত্ৰী হৈ পৰিছে। ২০২৪ চনৰ লোকসভা নিৰ্বাচনৰ পূৰ্বে পুত্ৰ নবীন জিন্দালৰ সৈতে বিজেপিত যোগদান কৰিছিল।
ফৰ্চুন ইণ্ডিয়াৰ প্ৰতিবেদনৰ ভিত্তিত যদি মূল্যায়ন কৰা হয় তেন্তে ভাৰতৰ ধনী লোকসকলৰ মুঠ সম্পত্তি প্ৰায় ৯৯.৮৬ লাখ কোটি টকা। এয়া দেশৰ জিডিপিৰ ৩৩.৮১ শতাংশৰ সমান। তালিকাত অন্তৰ্ভুক্ত ১৮৫ জনৰ সম্পত্তিৰ মূল্য ৮ হাজাৰ কোটি টকা।
১৯৫০ চনৰ ২০ মাৰ্চত অসমৰ তিনিচুকীয়াত জন্মগ্ৰহণ কৰিছিল সাবিত্ৰী জিন্দালে। ১৫ বছৰ বয়সত অ’ পি জিন্দলৰ সৈতে বিবাহপাশত আবদ্ধ হয়। এয়া আছিল অ’ পি জিন্দালৰ দ্বিতীয় বিবাহ। জিন্দালৰ প্ৰথম পত্নী বিদ্যা দেৱীৰ পৰা আছিল ৬ টা সন্তান। নবীন জিন্দাল সাবিত্ৰী জিন্দালৰ পুত্ৰ আৰু নবীনৰ আৰু ৩ গৰাকী ভগ্নীও আছে। সাবিত্ৰী দেৱীয়ে স্বামী আৰু নিজৰ ৪টা সন্তানৰ সৈতে কম বয়সতে আন ৬টা সন্তানকো ডাঙৰ-দীঘল কৰিছিল।
২০০৫ চনত স্বামীৰ মৃত্যুৰ পিছত ব্যৱসায়ৰ দায়িত্ব লোৱাৰ লগতে ৰাজনীতিতো হাত উজান দিয়ে সাবিত্ৰী জিন্দালে। স্বামীৰ মৃত্যুৰ পিছত ২০০৫ চনত হিছাৰৰ পৰা উপ-নিৰ্বাচনত প্ৰতিদ্বন্দ্বিতা কৰি জয়ী হৈ ৰাজনীতিত প্ৰৱেশ কৰিছিল সাবিত্ৰী জিন্দালে। একেৰাহে দুটা নিৰ্বাচনত জয়ী হোৱাৰ পিছত তেওঁ হাৰিয়ানাৰ মন্ত্ৰীসভাৰ মন্ত্ৰী হয়।
Continue Reading
