ডিজিটেল ডেস্ক : দেশত পুনৰ বৃদ্ধি পাইছে ক'ভিডৰ সংক্ৰমণ৷ কেন্দ্ৰীয় স্বাস্থ্য মন্ত্ৰালয়ে শনিবাৰে প্ৰকাশ কৰা তথ্য অনুসৰি ২৪ ঘণ্টাত দেশত ১,১৫০টা নতুন ক'ভিড ৰোগী ধৰা পৰিছে। আনহাতে, দেশখনত ৮৩জন লোক ক'ভিড আক্ৰান্ত হৈ মৃত্যু হৈছে।
দেশত মুঠ ক'ভিড ৰোগীৰ সংখ্যা হৈছে ৪,৩০,৩৪,২১৭জন। ক'ডিত আক্ৰান্ত হৈ চিকিৎসাধীন হৈ আছে ১,১৬৫জন। খবৰ অনুসৰি ক'ভিড সংক্ৰমণৰ ঘটনা ২৪ ঘণ্টাত ১২৭টা লৈ হ্ৰাস পাইছে যদিও বিগত ২৪ ঘণ্টাত পুনৰ বৃদ্ধি পোৱা পৰিলক্ষিত হৈছে৷ ইপিনে দেশত মুঠ মৃত্যুৰ সংখ্যা হৈছে ৫,২১,৬৫৬জন।
স্বাস্থ্য মন্ত্ৰালয়ৰ মতে, বৰ্তমান দেশৰ মুঠ সংক্ৰমণৰ ০.০৩ শতাংশ হৈছে সক্ৰিয় সংক্ৰমণ। দেশত পুনৰুদ্ধাৰৰ হাৰ ৯৮.৭৬ শতাংশ। কেন্দ্ৰীয় স্বাস্থ্য মন্ত্ৰালযে সদৰী কৰা তথ্য অনুসৰি দৈনিক সংক্ৰমণৰ হাৰ ০.২৫ শতাংশ হয়গৈ। সাপ্তাহিক সংক্ৰমণৰ হাৰো ০.২৩ শতাংশ।
দেশখনত মুঠ ৪,২৫,০১,১৯৬জন লোক ক'ভডিৰ পৰা আৰোগ্য লাভ কৰিছে। বৰ্তমান দেশৰ মৃত্যুৰ হাৰ ১.২১ শতাংশলৈ হয়গৈ। ভাৰতত এতিয়ালৈকে মুঠ ১৮৫.৫৫ কোটিৰো অধিক লোকক ক'ভিডৰ প্ৰতিষেধক দিয়া হৈছে। কেন্দ্ৰীয় স্বাস্থ্য মন্ত্ৰালয়ৰ দ্বাৰা বুষ্টাৰ পালি প্ৰদান কৰাৰ বাবেও অনুমতি প্ৰদান কৰা হৈছে। সকলো প্ৰাপ্তবয়স্ক নাগৰিকে ভেকচিনটো পাব বুলি জানিব পৰা গৈছে।
Continue Reading
