দেশত নতুনকৈ ক'ভিডত আক্ৰান্ত ২,০৭৫ জন, মৃত্যু ৭১ৰ

ডিজিটেল ডেস্ক : চীনত ক'ভিডত আক্ৰান্তৰ সংখ্যা বৃদ্ধি পোৱাৰ বিপৰীতে ভাৰতত এই হাৰ নিম্মমুখী হৈছে৷ কেন্দ্ৰীয় স্বাস্থ্য মন্ত্ৰণালয়ৰ তথ্য অনুসৰি শনিবাৰে ভাৰতৰ ক'ভিড-১৯ ৰ সংখ্যা ২,০৭৫ টা নতুন সংক্ৰমণৰ সৈতে ৪,৩০,০৬,০৮০ লৈ বৃদ্ধি পাইছে, আনহাতে সক্ৰিয় সংক্ৰমণৰ ঘটনা ২৭,৮০২ লৈ হ্ৰাস পাইছে। ক'ৰনা ভাইৰাছৰ ফলত মৃত্যুৰ সংখ্যা ৫,১৬,৩৫২ লৈ বৃদ্ধি হৈছে আৰু ৭১গৰাকী লোকৰ নতুনকৈ মৃত্যু হৈছে৷ মুঠ সংক্ৰমণৰ হাৰ ০.০৬ শতাংশলৈ হ্ৰাস পাইছে। ৰাষ্ট্ৰীয় ক'ভিড-১৯ আৰোগ্যৰ হাৰ ৯৮.৭৩ শতাংশ বুলি জানিবলৈ পোৱা গৈছো। বিগত ২৪ ঘণ্টাত ক'ভিড-১৯৪ সংক্ৰমণৰ ঘটনা ১,৩৭৯জনলৈ হ্ৰাস হৈছে৷ প্ৰতিদিনে পজিটিভিটিৰ হাৰ ০.৫৬ শতাংশ আৰু সাপ্তাহিক সংক্ৰমণৰ হাৰ ০.৪১ শতাংশ৷ ২৪ ঘণ্টাত মুঠ ৩,৭০,৫১৪ জনৰ ক'ভিড-১৯ পৰীক্ষা কৰা হৈছিল। ভাৰতে এতিয়ালৈকে ৭৮.২২ কোটিৰো অধিক পৰীক্ষা সম্পন্ন কৰিছে। তেলেংগানাত ৬৭জনৰ দেহত ধৰা পৰিছে ক'ভিড-১৯৷ যাৰ ফলত ক'ভিডত আক্ৰান্তৰ সংখ্যা ৭,৯০,৭৫৬ লৈ বৃদ্ধি হৈছিল, আনহাতে মৃত্যুৰ সংখ্যা ৪,১১১ হয়গৈ৷ পশ্চিম বংগত ৩৩জনৰ দেহত ধৰা পৰে ক'ভিড-১৯, পূৰ্বতকৈ এই হাৰ ২৯জনলৈ হ্ৰাস পায়৷ যাৰ ফলত এই সংখ্যা ২০,১৬,৭৭০ লৈ বৃদ্ধি হৈছে৷ ২৪ ঘণ্টাত সংক্ৰমণৰ ফলত আৰু এজন লোকৰ মৃত্যু হয়। দিল্লীয়ে ৬১জনৰ দেহত ধৰা পৰে ক'ভিড-১৯, ৰাজধানীখনৰ স্বাস্থ্য বিভাগৰ তথ্য অনুসৰি দিল্লীত শনিবাৰে ক'ৰনাত আক্ৰান্ত হৈ এজন লোকৰ মৃত্যু হৈছে৷ আনহাতে পজিটিভিটিৰ হাৰ ০.৬৮ শতাংশ।