দেশত শীঘ্ৰে মিঠা, নিমখীয়া, চৰ্বিযুক্ত খাদ্যৰ কৰ বৃদ্ধিৰ সম্ভাৱনা

ডিজিটেল ডেস্কঃ ভাৰতীয়সকলৰ মাজত মেদবহুলতা এক ভয়াৱহ সমস্যা হৈ পৰিছে। শৰীৰৰ অতিৰিক্ত চৰ্বিয়ে চিন্তিত কৰি তুলিছে একাংশ জনসাধাৰণক। সেয়েহে দেশবাসীৰ এই গভীৰ সমস্যাৰ প্ৰতি লক্ষ্য ৰাখিয়েই কেন্দ্ৰীয় চৰকাৰে অত্যধিক নিমখ, মিঠা আৰু চৰ্বিযুক্ত খাদ্যত অধিক কৰ আৰোপ কৰাৰ সম্ভাৱনা আছে। নিটি আয়োগে এই সন্দৰ্ভত সম্প্ৰতি চিন্তা-চৰ্চা অব্যাহত ৰাখিছে। আয়োগৰ প্ৰতিবেদনত উল্লেখ কৰা অনুসৰি ভাৰতত শিশু, কিশোৰ-কিশোৰী আৰু মহিলাৰ মাজত বৰ্ধিত চৰ্বি সমস্যা গুৰুতৰ হৈ পৰিছে। এই সমস্যাৰ পৰা দেশবাসীক মুক্ত কৰিবলৈ নিটি আয়োগে অত্যধিক মিঠা, নিমখীয়া আৰু চৰ্বিযুক্ত খাদ্যৰ প্ৰচলন ভাৰতত হ্ৰাস কৰিবলৈ এনেবোৰ খাদ্যত অধিক কৰ আৰোপৰ কথা চিন্তা-চৰ্চা কৰি আছে। এই বিষয়ত এতিয়াও কোনো নিৰ্দিষ্ট সিদ্ধান্তত উপনীত হোৱা নাই নিটি আয়োগ। ২০১৯-২০ বৰ্ষৰ ৰাষ্ট্ৰীয় পৰিয়াল স্বাস্থ্য সমীক্ষাৰ তথ্য অনুসৰি ভাৰতৰ ২৪ শতাংশ মহিলা আৰু ১৯ শতাংশ পুৰুষ মেবহুলতাৰ দৰে গভীৰ সমস্যাৰ সন্মুখীন হৈ আছে।