ডিজিটেল ডেস্কঃ আইন-প্ৰশাসনৰ গুৰুত্ব ৰখা মানুহখিনি যেতিয়া হৈ পৰে আইনৰ ভংগকাৰী তেতিয়া সমাজখন অধঃপতনৰ দিশে গতি কৰে৷শেহতীয়াকৈ ঠিক এনে এটা ঘটনাই পোহৰলৈ আহিছে৷ৰাজস্থানৰ জয়পুৰ-আজমেৰ ঘাইপথৰ এখন ৰেষ্টুৰেণ্টত হোৱা কাজিয়াত নিলম্বিত হোৱা পাঁচজন লোকৰ ভিতৰত ভাৰতীয় প্ৰশাসনিক সেৱাৰ এজন বিষয়া আৰু ভাৰতীয় আৰক্ষী সেৱাৰ এজন বিষয়াও আছে বুলি জানিব পৰা গৈছে৷
দেওবাৰে গভীৰ নিশা সংঘটিত হোৱা এই কাজিয়াখন ৰেষ্টুৰেণ্টখনৰ চিচিটিভি কেমেৰাত বন্দী হয়। ভিজুৱেলবোৰত দেখা গৈছে যে ইজনে সিজনক আঘাত কৰি আছে আৰু শিলগুটি নিক্ষেপ কৰিছে।
বিশেষ কৰ্তব্যৰত বিষয়া (গংগাপুৰ চহৰ আৰক্ষী) হিচাপে নিযুক্তি দিয়া আই এ এছ বিষয়া তথা আজমেৰ উন্নয়ন প্ৰাধিকৰণৰ আয়ুক্ত গিৰিধৰ আৰু আই পি এছ বিষয়া সুশীল কুমাৰ বিষ্ণোইক নিলম্বন কৰা হৈছে।ৰাজস্থান আৰক্ষীয়ে বিতং তদন্ত চলাই থকাৰ সময়তে নিলম্বিত আন দুজন কনিষ্টবল আৰু আন দুজন চৰকাৰী কৰ্মচাৰী।তদুপৰি আৰক্ষী জোৱানক আৰক্ষী লাইনলৈ প্ৰেৰণ কৰা হৈছে।
আৰু পঢ়ক : দাদৰা- নগৰ হাভেলীত লোমহৰ্ষক ঘটনা
স্থানীয় সংবাদ মাধ্যমৰ খবৰ অনুসৰি আই পি এছ বিষয়াগৰাকীৰ নতুন পদবীৰ উদযাপনৰ বাবে আয়োজন কৰা বিদায় পাৰ্টিৰ পৰা উভতি আহিছিল বিষয়াসকল। বাথৰুম ব্যৱহাৰ কৰাৰ প্ৰয়োজনত ৰেষ্টুৰেণ্টৰ বাহিৰত ৰৈ গ’ল। যেতিয়া তেওঁলোকে কৰ্মচাৰীসকলক দৰ্জা খুলিবলৈ কয় তেতিয়াই কাজিয়া আৰম্ভ হয়। এটা সংবাদ মাধ্যমৰ বাতৰি অনুসৰি আই পি এছ বিষয়াজনে ভেষ্ট পিন্ধি ঘূৰি ফুৰাৰ বাবে ৰেষ্টুৰেণ্টৰ কৰ্মচাৰী এজনক চৰ মাৰি দিয়াৰ অভিযোগত এই কাজিয়া আৰম্ভ হৈছিল।
ৰেষ্টুৰেণ্টৰ মালিকগৰাকীয়ে অভিযোগত অভিযোগ কৰিছে যে বিষয়াগৰাকীয়ে কিছুমান পুলিচৰ সৈতে উভতি আহি তেওঁলোকৰ কৰ্মচাৰীসকলক কোবাইছিল। ৰেষ্টুৰেণ্টৰ মালিকৰ অভিযোগৰ পিছতে ৫জন অচিনাক্ত লোকৰ বিৰুদ্ধে গোচৰ ৰুজু কৰা হৈছে। অভিযুক্ত পুলিচক আৰক্ষী লাইনলৈ প্ৰেৰণ কৰা হৈছে।ৰাজস্থানৰ আৰক্ষী অধীক্ষক উমেশ মিশ্ৰই এই সন্দৰ্ভত সতৰ্কতা বিভাগৰ তদন্ত অব্যাহত ৰাখিছে বুলি প্ৰকাশ কৰিছে।কিন্তু আই পি এছ বিষয়া বিষ্ণোইৰ বিৰুদ্ধে উত্থাপিত অভিযোগ নাকচ কৰিছে বিষয়াগৰাকীয়ে৷
Continue Reading
