ডিজিটেল ডেস্ক: অভিনয়ৰ জড়িতে জনপ্ৰিয়তাৰ শীৰ্ষত উপনীত হোৱা বলিউডৰ বাদশ্বাহ খ্যাত শ্বাহৰুখ খান এইবাৰ ধনীব্যক্তিৰ তালিকাত স্থান লাভ কৰিছে৷ প্ৰাপ্ত তথ্য অনুসৰি ১৯৯৯ চনত লণ্ডনত স্থাপিত হোৱা অগ্ৰণী গৱেষণা তথা বিলাসী প্ৰকাশন সংস্থা হুৰুণ(Hurun Grup) সমগ্ৰ বিশ্বৰ আটাইতকৈ ধনী ব্যক্তিসকলৰ বিষয়ে বিস্তৃত মূল্যায়নৰ বাবে বিশ্বজুৰি বহুলভাৱে সমাদৃত।
এই তালিকাত স্থান লাভ কৰিছে বলিউডৰ বাদশ্বাহ শ্বাহৰুখ খানে৷উল্লেখযোগ্য যে প্ৰায় ১৫০ কোটি ভাৰতীয়ৰ ভিতৰত মাত্ৰ ১৫৩৯ জন লোকেহে স্থান পাইছে এই তালিকাত। এই তালিকাৰ তথ্য অনুসৰি শ্বাহৰুখ খানৰ সম্পত্তি ৭৩০০ কোটি টকা বুলি জানিব পৰা গৈছে। কলকাতা নাইট ৰাইডাৰ্ছ আৰু ৰেড চিলিজ এণ্টাৰটেইনমেণ্টৰ বৃহৎ অংশীদাৰিত্বৰ বাবে শ্বাহৰুখ খানে এই তালিকাত স্থান লাভ কৰা বুলি সূত্ৰই প্ৰকাশ কৰিছে। শ্বাহৰুখ খানৰ লগতে এই তালিকাত অন্তৰ্ভুক্ত কৰা হৈছে অমিতাভ বচ্চন, জুহি চাওলা, কৰণ জ’হৰ আৰু অভিনেতা হৃতিক ৰোশনৰ নাম৷
উল্লেখনীয় যে আদানী গ্ৰুপৰ অধ্যক্ষ গৌতম আদানীয়ে ৰিলায়েন্স ইণ্ডাষ্ট্ৰীজৰ অধ্যক্ষ তথা পৰিচালন সঞ্চালক মুকেশ আম্বানীক পিছপেলাই ২০২৪ চনৰ হুৰুণ ইণ্ডিয়াৰ আটাইতকৈ ধনী ভাৰতীয় হিচাপে পৰিগণিত হয়৷
Continue Reading
