ধপাত ক্ৰয় কৰাটো হ'ব আইনগতভাৱে দণ্ডনীয়! কোন দেশে জাৰি কৰিলে এই নিষেধাজ্ঞা আইন?

ডিজিটেল ডেস্ক : ধপাত স্বাস্থ্যৰ পক্ষে হানিকাৰক৷ এই কথাষাৰ সকলোৰে দ্বাৰা অভিজ্ঞ৷ কিন্তু মানিবলৈ যেন সকলোৱে টানহে পায়৷ দিনক দিনে ধপাতৰ প্ৰতি আসক্তি বৃদ্ধি পাৱলৈ ধৰিছে৷ যাৰ বাবে এক সূদূৰ প্ৰসাৰি পৰিকল্পনা হাতত লৈছে নিউজিলেণ্ড চৰকাৰে৷ নিউজিলেণ্ড চৰকাৰে ৰাষ্ট্ৰৰ ভৱিষ্যত প্ৰজন্মৰ বাবে চিগাৰেট বিক্ৰী নিষিদ্ধ কৰিব বিচাৰিছে। এক গুৰুত্বপূৰ্ণ দৃষ্টিভংগীৰে, চৰকাৰে ২০২৫ চনৰ ভিতৰত ধূমপানৰ সেৱনৰ হাৰ ৫শতাংশলৈ হ্ৰাস কৰাৰ পৰিকল্পনা হাতত লৈছে৷

শেহতীয়া আইনখনে নিৰ্ধাৰণ কৰিছে যে, ১৪ বছৰ বা তাতকৈ কম বয়সৰ কিশোৰ কিশোৰীয়ে ধপাত ক্ৰয় কৰাটো নিষিদ্ধ কৰা হ'ব। আইনী ধূমপান নিষিদ্ধৰ বয়স প্ৰতি বছৰে বৃদ্ধি কৰা হ'ব। দেশখন সম্পূৰ্ণৰূপে ধোঁৱামুক্ত কৰিবলৈ প্ৰতি বছৰে নিষেধাজ্ঞাৰ তালিকাত এক নতুন বয়সৰ গোট যোগ দিয়া হ'ব।
শেহতীয়া আইনখন ৯ ডিচেম্বৰত ঘোষিত হৈছিল। নিউজিলেণ্ডৰ সহযোগী স্বাস্থ্য মন্ত্ৰী আয়েশা ভেৰালে এই আইন ঘোষণা কৰি কৈছিল যে, 'আমাৰ লোকসকলৰ স্বাস্থ্যৰ বাবে এক ঐতিহাসিক দিন' ৷

'যুৱ প্ৰজন্মক ধুমপানৰ পৰা দূৰৈত ৰাখিবলৈ আমি প্ৰতিজ্ঞাবদ্ধ৷ আইন কাৰ্যকৰী হ'লে ১৪ বছৰ বয়সৰ লোকসকলে কেতিয়াও আইনীভাৱে ধপাত ক্ৰয় কৰিব নোৱাৰিব,'- এই বুলিও ডাঃ ভেৰালে অবিহিত কৰে। লগতে তেওঁ কয় যে, 'যদিও ধূমপানৰ লোকৰ হাৰ অধিক হাৰত আগবাঢ়িছে, আমি আমাৰ লক্ষ্য প্ৰাপ্ত কৰিবলৈ আৰু অধিক, দ্ৰুততাৰে চেষ্টা কৰা উচিত। আৰু দেশখন অতি সোনকালে ধোৱামুক্ত দেশ হিচাপে গঢ়িবলৈ আমি প্ৰতিজ্ঞাবদ্ধ৷